2022 O‘zbekistonning eng yangi tarixi tarix fakulteti termiz davlat universiteti termiz – 2022

PAXTA YAKKA HOKIMLIGI yigirmanchi asrning 80 yillariga kelib O’zbekistonning barcha erlariga paxta ekish natijasida boshqa qishloq xo’jalik mahsulotlari ekilmagan, ular chetdan keltirilgan. Odamlarning eshiklari oldidagi tomorqalarigacha paxta ekilgan. O’sha vaqtlarda odamlar o’rtasida “faqat tomga paxta ekilmadi xolos” degan gap yurardi.
PEREFERENSIYALAR – davlat tomonidan soliq to’lovchilarga soliq imtiyozlarini berish, ularni ro’yxtaga olish va ruxsat berish taomillarini yengillashtirish, qulay soliq rejimlarini joriy qilish, xalqaro darajada soliqqa tortish munosabatlarini tartibga solish va muvofiqlashtirishda hamda bojxona tartiblarini rasmiylashtirishda ma’lum yon berish, soliq to’lovchilar tomonidan soliqlarni to’lash jarayonlarini yengillashtirish (soliq qarzlarini kechiktirish, bo’lib bo’lib to’lash, davlat zarariga kechish) kabi jarayonlar.
PLENUM (lotincha plenumdan – to’la) – biror tashkilot (davlat, partiya, ijtimoiy) saylanadigan rahbar organlari a’zolarining to’la tarkibida to’planishi.
PUL-KREDIT SIYOSATI – iqtisodiyotdagi pul massasi va chiqarilgan tovar va xizmatlar o’rtasidagi o’zaro muvozanatni ta’minlashga yo’naltirilgan, Markaziy bank tomonidan amalga oshiriladigan maxsus siyosat tushiniladi.
QONUN USTUVORLIGI INDEKSI (The Rule of Law Index). -2010 yildan buyon The World Justice Project xalqaro nohukumat tashkiloti uslubiyati bo’yicha muntazam (bir necha yilda bir marta) tuziladi. Indeks kombinasiyalangan ko’rsatkich bo’lib, ekspert manbalaridan va jamoatchilik fikrini so’rash orqali olingan ma’lumotlar asosida hisoblab chiqariladi. Jami 8 ta nazorat ko’rsatkichi: hokimiyat institutlari vakolatlarini cheklash, korrupsiyaning yo’qligi, tartib va xavfsizlik, asosiy huquqlar himoyasi, hokimiyat institutlarining shaffofligi, qonunlarga rioya etish, fuqarolik sohasidagi odil sudlov va jinoyat sohasidagi odil sudlov baholanadi.
REFERENDUM – (lot. – ma’lum qilinishi zarur bo‘lgan narsa) davlat ahamiyatiga ega bo‘lgan muhim masalalar bo‘yicha o‘tkaziladigan va ba’zan qonun qabul qilish uchun asos bo‘lib xizmat qiladigan umumxalq so‘rovi, ovoz berish yo‘li bilan xalq fikrini aniqlash.