2022 O‘zbekistonning eng yangi tarixi tarix fakulteti termiz davlat universiteti termiz – 2022

IQTISODIY INTEGRASIYA – qo’shni va xorijiy davlatlarning mikro va makro darajadagi barqaror iqtisodiy aloqalar asosida yagona xo’jalik yuritish kompleksiga o’zaro qorishib ketishi, jipslashishi.
IQTISODIYOTNING REAL SEKTORI – iqtisodiyotning bevosita moddiy ne’matlar ishlab chiqarish va xizmatlar ko’rsatish bilan bog’liq sohasi bo’lib, u o’z ichiga sanoat, qishloq xo’jaligi, qurilish, transport, aloqa tarmoqlarini oladi.
ISHBILARMONLIK MUHITI - bu har bir mamlakatda tadbirkorlar va ishlab chiqaruvchilar uchun qulay ishchanlik sharoitlarining yaratilishidir. Inglizzabon mamlakat iqtisodchilarining mulohazalarida ishbilarmonlik muhitining shakllanishiga va rivojlanishiga ko’proq tashqi muhit omillarining ta’siri jiddiyroqligi sezilib turadi [7; 8; 9; 10; 13; 15; 16; 18]. Ularning orasida davlatning rolini alohida e’tirof etuvchilar ham bor. Masalan, bir qator iqtisodchilar, ya’ni J.Goodman, J.Meany, L.Pate (1992), B.Mokry (1988), E.Segura (1988), P.Westhead (1990) kabilar tadbirkorlik muhitini shakllantirish va rivojlantirish uchun shart-sharoitlar hamda imkoniyatlar yarata olishda hukumat yoki davlatning rolini alohida qayd etadilar
ISTE’MOL SAVATChASI – o’rtacha bir kishi (yoki bir oila) bir oyda bir yilda) iste’mol qiladigan tovarlarning hisob-kitob uchun olingan miqdori va tarkibi tushuniladi.
JAHON IQTISODIY FORUMINING GLOBAL RAQOBATDOShLIK INDEKSI (The Global Competitiveness Index). 2004 yildan buyon tuziladi, bugungi kunda dunyodagi turli mamlakatlar raqobatbardoshligi ko’rsatkichlarining eng to’liq majmui sanaladi. 113 ta o’zgaruvchan ko’rsatkichni o’z ichiga oladi, ularning 2/3 qismi kompaniyalar rahbarlarini global so’rovdan o’tkazish natijalarini, 1/3 qismi esa umumfoydalanishdagi manbalarni (statistik ma’lumotlar, tadqiqotlar natijalari va h.k.) aks ettiradi.
JAHON MAMLAKATLARINING DEMOKRATIK INDEKSI (The Democracy Index). Bu 2006 yildan buyon muntazam o’tkazilayotgan siyosiy jarayonlar global tadqiqotidir. Yakunlar bo’yicha reyting shakllantiriladi, uning uslubiyati muallifif Britaniyadagi The Economist Intelligence Unit tadqiqot markazi (Angliyadagi Economist jurnalining tahlil bo’linmasi) hisoblanadi.