2021, Maxsus son “pedagogik mahorat” ilmiy-nazariy va metodik jurnal issn 2181-6883

Key words: competence, preparation for pedagogical activity, creativity, professionalism, future 
teacher of fine arts. 
Кириш.
Охирги йилларда педагогик таълим назариясида янги компетентли ёндашув йўналиши 
юзага келиб, унинг моҳиятига кўра педагогик таълим мазмуни креатив фаолият давомида амалга 
оширилиши лозим деб ҳисобланади. Шу нуқтаи назардан, замонавий тараққий этиб бораётган жамият 
ўқитувчилар, жумладан, тасвирий санъат ўқитувчилари шахси, унинг креатив компетентлиги, ахлоқи, 
маданияти ҳамда маънавий эҳтиёжлари олдига юқори талаблар қўя бошлади. Таълим соҳасидаги 
асосий меъёрий-ҳуқуқий ҳужжатимиз ҳисобланган “Таълим тўғрисида”(5-боб, 46-модда)ги Қонунга 
кўра, педагог ходимлар: 
таълим-тарбия жараёни иштирокчиларининг шаъни, қадр-қиммати ва ишчанлик обрўсини 
ҳурмат қилиши; 
ўқув машғулотларини сифатли ўтказиши; 
ахборот-коммуникация технологияларидан, ўқитиш ва тарбиянинг илғор ҳамда инновацион 
шакллари ва усулларидан фойдаланиши; 
таълим олувчиларнинг психологик ва ўзига хос хусусиятларини, жисмоний ва руҳий 
саломатлигини, физиологик ривожланишини ҳисобга олиши, жисмоний, ақлий, сенсор (сезги) ёки 
руҳий нуқсонлари бўлган шахсларни ўқитиш учун шарт-шароитлар яратилишига эътибор қаратиши; 
ўз малакасини мунтазам равишда ошириб бориши, эгаллаб турган лавозимига мувофиқлик 
жиҳатидан даврий аттестациядан ўтиши лозим ҳисобланади [1]. 
Шунингдек, ўқитувчилар томонидан доимий равишда зурурий креатив малакаларни 
такомиллаштириб бориш “Ўзбекистон Республикаси олий таълим тизимини 2030 йилгача 
ривожлантириш концепцияси”, “Ўзбекистон Республикаси халқ таълим тизимини 2030 йилгача 
ривожлантириш концепцияси”да белгиланган вазифаларни амалга оширишни тақозо этади.
Булажак ўқитувчиларнинг креатив компетентлилигини шакллантиришда маълум даражада 
билим, кўникма ва малакаларни эгаллашлари билан унинг креатив компетентлилигини 
ривожлантириш муаммосининг мустақил, яхлит лойиха мавзуси сифатида ўрганилиши бўлажак 

---