2021, Maxsus son “pedagogik mahorat” ilmiy-nazariy va metodik jurnal issn 2181-6883

Muhokamalar va natijlar.
Mamlakatimizda pedagogik texnologiya bilan muntazam holda, jiddiy 
shug‘ullanib kelayotgan taniqli pedagoglardan biri professor N.Sayidahmedov boʻlib, u pedagogik 
texnologiyaning jahon pedagogikasidagi talqini, uning mazmun-mohiyatini atroflicha oʻrganib, bu 
sohadagi pedagogik qarashlarini oʻzining “Yangi pedagogik texnologiyalar” ilmiy- pedagogik asarida toʻliq 
bayon etadi. 
N. Sayidahmedov ta’rifi boʻyicha, “Pedagogik texnologiya - bu oʻqituvchi (tarbiyachi)ning oʻqitish 
(tarbiya) vositalari yordamida oʻquvchi (talaba)larga muayyan sharoitda ta’sir koʻrsatishi va aks ta’sir 
mahsuli sifatida ularda oldindan belgilangan shaxs sifatlarining jadal shakllanishini kafolatlaydigan 
jarayon”, deb koʻrsatiladi. Olim oʻzining bu ta’rifini ilmiy fakt, dalillar va maxsus tajribalari natijalari va 
xulosalari boʻyicha asoslagan. N. Sayidahmedov oʻzining pedagogik tadqiqotlarida pedagogik texnologiya, 
uning didaktik asoslari, metodik yoʻnalishlari va xususiyatlarini ilmiy asosda, ishonchli tahlil qilib beradi. 
Haqiqatda ham pedagogik amaliyotlar va pedagoglar bilan oʻtkazilgan suhbat va savol-javoblarga 
tayangan holda va yuqorida bayon etilgan ta’riflarga koʻra, pedagogik texnologiya - ma’lum belgilangan 
sharoitda oʻquvchilarga bilim va malaka berishning qonun-qoidalari va vositalari asosida oldindan belgilangan 
maqsadga erishishning kafolatlay oladigan pedagogik jarayon ekanligini anglab olamiz. Shuning uchun aytish 
mumkinki, bizningcha, pedagogik texnologiya - oʻqituvchining mahoratidan istisno boʻlib, u darsning tashkil 
etish didaktikasidan ham, uni oʻqitish metodlaridan ham, hatto usullaridan ham farqlanadi. 
Lekin unutmaslik kerakki, dars texnologiyasi - ta’limni tashkil etish didaktikasi, uning prinsiplari va 
oʻqitish metodlari bilangina dialektik birlikni tashkil etib, koʻzlangan maqsadga erishish imkonini 

---