2020-yil samarqand – 2020 mundarej a mavzu: O’rta Osiyo tosh asri jamoalari madaniyatlarining tarixiy ildizlari: tadqiqot muammolari va istiqboli I bob. O’rta Osiyo tosh asri jamoalari moddiy madaniyatining o’rganilishi tarixi

Tadqiqot obyekti va predmeti:
Tadqiqot obyekti - O’rta Osiyo xalqlari tarixi, ajdodlarimiz tomonidan yaratilgan madaniy merosini o’rganishda shubhasiz, tosh davr jamoalar tomonidan yaratilgan moddiy madaniyatning o’rni va ahamiyati beqiyos hisoblanadi. Bu tarixda tosh asri jamoalari madaniyatlarining tarixiy ildizlari masalasi ham o’ziga xos ahamiyat kasb etadi. Magistrlik tadqiqotimizning asosiy obyekti O’rta Osiyo, xususan O’zbekiston hududi miqyosida tosh davri jamoalariga tegishli yodgorliklar hisoblanadi.
Tadqiqot predmeti. O’rta Osiyo, xususan O’zbekiston hududi miqyosida tosh asri yodgorliklari tadqiqotida jamoalar madaniyatlari tarixiy ildizlari haqida ma’lumot beruvchi arxeologik ashyolar topilgan. Ana shu arxeologik manbalar, ma’lumotlar tadqiqotimiz predmeti hisoblanadi.
Magistrlik dissertasiyasining maqsad va vazifalari. Tadqiqotimiz uchun mazmun etib tanlangan mavzuning asosiy maqsadi, vazifalari quyidagi masalalar hisoblanadi:
1. O’rta Osiyo miqyosida tosh asri yodgorliklari o’rganilishi tarixi, undagi tadqiqot muammolari va istiqboli borasida qo’lga kiritilgan ma’lumotlarni manba sifatida yaxlit bir tizimga solib, fundamental ish yaratish.
2. O’rta Osiyo tosh asri yodgorliklari va ular tadqiqoti natijalarini tarixiy davr rivoji ketma-ketligi bosqichlari doirasida yoritish, bunda arxeologik qazishma ishlarida qo’lga kiritilgan arxeologik ashyolarni moddiy madaniyat borasida manba sifatida yaxlit bir tizimga solish.
3. O’rta Osiyo ibtidoiy davr tosh asri jamoalari madaniyatlari tarixiy ildizlari borasida qazilmalarda qo’lga kiritilgan manba, ma’lumotlarni, shu davr taraqqiyoti ketma-ketligini tashkil etuvchi bosqichlar asosida tizimlashtirish, uning tadqiqot muammosi va istiqbolini aniqlashtirish.
4. O’rta Osiyo tosh asri jamoalari madaniyatlari tarixiy ildizlaridaavtoxtonlik masalasiga asosiy e’tiborni qaratish va buni arxeologik topilmalar, manbalar bilan ilmiy asoslash.
5. O’rta Osiyo tosh asri jamoalari madaniyatlari tarixiy ildizlarini ifodalovchi qazilmalarda qo’lga kiritilgan arxeologik ashyolar ajdodlarimizning o’tmish, boy madaniy merosini o’rganishimizda birlamchi tarixiy manba ekanligi masalalarini yoritish.