2019 O’zbekiston respublikasi oliy va o’rta maxsus ta’lim vazirligi termiz davlat universiteti

.Mashqlar bajarish; (Talabalar mashqlarni sharti asosida navbat bilan bajaradilar va javoblarning to’liq va mukammal bo’lishi o’qituvchi va talabalar tomonidan qatьiy nazoratga olinadi.)

236-mashq. O’qing. Fe’llarning sifatdosh shakllarini aniqlab, ularning qaysi so’zga bog’langani, fe’lga xos xususiyatlari, ravishdoshdan farqi, gapdagi vazifasini tushuntiring.
1. Men she’rga soldim aytar so’zimni, Baxtiyor sezaman g’oyat o’zimni. (U.) 2. Bunday choqlarda u hamma vaqt tanga orom beruvchi shifobaxsh mehnatga — ijodga tutinardi. (L. Batь.) 3. Go’zal Ukraina, jonajon o’lka, Ta’rifing, tavsifing tushmagay tildan. (U.) 4. Alisher o’z fikrlarini she’rda ifodalab, hech kimning nomini atamasa-da, pardali qilib, sultonni qurshagan vazirlarning o’z manfaatini ko’zlovchi, pastkash kishilar ekanligini fosh etgandi. (L. Batь.) 5. Qilmoq kerak va’daga vafo, Vafosizlar tortgusi jafo. (H.O.) 6. Qisqa-qisqa nafas olayotgan ustozning ko’kragi bilinar-bilinmas ko’tarilib-tushib turardi. (L. Batь.) 7. Tuya bo’yi keladigan qamishzorga kirishlari bilan, oldinda borayotgan suvori yuzidan qora charm niqobini yulib oldi. (O.Yoqubov.) 8. Agar shu suhbat Gebbelьs qo’liga tushib qolib, radioda foydalanilsa, Kremlь, London va Oq uyda sodir bo’lajak hodisalar rivoji qanday bo’lishini bilmasdim-ov. (Yu. Semyonov.) 9. U hatto Haydar bilan gaplashib turgan yeridagi ana shu chodir ham Navoiy in’om qilmish shohilardan tikilganini o’ylamasdi. (L.Batь.)