2019 O‘qish oxi

---

M. UMAROVA, X. XAMRAKULOVA,
R. TOJIBOYEVA
O‘zbekiston Respublikasi Xalq ta’limi
vazirligi tasdiqlagan
„O‘QITUVCHI“ NASHRIYOT-MATBAA IJODIY UYI
TOSHKENT – 2019
Umumiy o‘rta ta’lim maktablarining
3- sinfi uchun darslik
4- nashri
http://eduportal.uz

---

2
ISBN 978-9943-22-349-3
Mas’ul muharrir: Ulug‘bek Hamdamov – filologiya fanlari doktori.
Ta q r i z c h i l a r :
Baxtiyor Mengliyev
– filologiya fanlari doktori, professor;
Qimmatxon Mamatqulova – RTM boshlang‘ich ta’lim bo‘limi
metodisti;
Ma’mura Zohidova
– O‘zbekiston  Yozuvchilar  uyushmasi
o‘quv-metodika bo‘limi bosh mutaxassisi;
Fotima Karimova
– Toshkent shahar Chilonzor tumani
                          281-maktab boshlang‘ich sinf o‘qituv-
 chisi.
Shartli belgilar:
– savollar
– savol va topshiriqlar
– uyga vazifa
– darsning tugashi
– topshiriqlar
– topishmoqlar
– maqollar
© M. Umarova va b.
© „O‘qituvchi“ NMIU, 2019
Respublika maqsadli kitob jamg‘armasi mablag‘lari
hisobidan chop etildi.
UO‘Ê: 373.3.016:821-82(075.2)
ÊBÊ 81.2-93
O‘ 97
http://eduportal.uz

---

3
BIZ  BUYUK  YURT  FARZANDIMIZ
Vatan  madhi
Orif  To‘xtash
Dunyoda  yurtlar  ko‘p,  turli  xalqlar  yashaydi.
Lekin  har  bir  odam  bolasining  aziz  bilgan
tuprog‘i  bor.
Bu  tug‘ilib  o‘sgan  joyi,  o‘z  Vatanidir.
Bizning  Vatanimiz  esa  –  jonajon  O‘zbe-
kiston!  Biz  mana  shu  aziz  zamin  farzand-
larimiz!  Biz  ulug‘  bobolarimizdan  meros  bu
azim  tuproqning  har  zarrasini  ko‘zga  surtamiz,
muqaddas  hisoblaymiz!
Aslida,  yer  yuzasini  qamrab  turgan  barcha
hududning  tuprog‘i  bir  xil.  Biroq  uni  tabarruk
qilguvchi  shu  zamin  egalaridir.
RASM
http://eduportal.uz

---

4
Bizning  O‘zbekiston  deya  atalmish  serqu-
yosh  Vatanimizda  ne-ne  mutafakkirlar,  qancha-
dan  qancha  aziz-u  avliyolar,  olim-u  fuzalolar
kamolga  yetmadi,  deysiz?!  Shuning  uchun  ham
bu  zaminni  dunyo  ahli  buyuk  deya  e’tirof  eti-
shadi.  Shu  ma’noda  biz  buyuklar  yurti  far-
zandlarimiz.  Bundan  faxrlanamiz.  Ammo  unut-
masligimiz  ham  kerakki,  dunyolarga  dars  ber-
gan  ulug‘  bobokalonlarimizning  tabarruk  qoni
bugun  bizning  tomirlarimizda  jo‘sh  urmoqda!
Aziz  bolajon!  Sizning  safingizda  iqtidorsiz  yo-
ki  uquvsiz  bolaning  o‘zi  yo‘q.  Kelajak  orzular
sari  eltguvchi  barcha  imkoniyatlarga  egasiz!
1.  Nima  uchun  matn  „Vatan  madhi“  deb
nomlangan?
2.
Siz  Vataningiz  ravnaqi  uchun  qanday
hissa  qo‘shmoqchisiz?
Yurtim  jamoli
Dilshod  Rajab
Yurtimizni  aylandik,
Maqtovga  so‘z  sayladik:
Toshkent  asli  bosh  shahar,
Bag‘ri  nur – quyosh  shahar.
Sirdaryo  –  Gulistonim,
Jizzax  –  bog‘-u  bo‘stonim.
http://eduportal.uz

---

5
Maydonlarda  mard  kelgan,
Qashqadaryo,  Surxonim.
Nuroniy  Samarqandim
Yer  yuzining  sayqali.
G‘urur  qo‘shar  ko‘ksiga
Temur  bobom  haykali.
Ilm  uyi  Buxoro,
Har  toshi  hikmat,  ma’no.
Xorazmning  savlat-u
San’atiga  tasanno.
Qoshi  qora,  qalbi  oq,
Qadrdon  qoraqalpoq.
Navoiy  nomin  olib,
Oltin  berar  bu  tuproq.
Farg‘ona-yu  Andijon,
Namangan  –  shohi  gulim.
Nomin  tilga  olsang  bas,
Ochilar  bahr-u  diling.
Nomi  dilga  darmonim  –
Ulug‘  O‘zbekistonim.
She’rda  nomlari  qayd  etilgan  shaharlar
haqida  nimalarni  bilasiz?
She’rni  yod  oling.
http://eduportal.uz

---

6
Yangi  uy
Hamidulla  Murodov
(Hikoya)
–
Qishlog‘imiz  chekkasidagi  eski  bog‘  o‘r-
nida  g‘ishtli,  chiroyli  uylar  quriladigan  bo‘libdi!
Bu  gapni  sinfdoshimiz  Xurshidbek  topib  kel-
di. O‘rtoqlari  birpasda  uni  o‘rab  olishdi.
–
Qanaqa  uylar  deding?
–
Kimlar  qurar  ekan?
–
Kimlar  turadi  yangi  uylarda?..
–
Kim  quradi  demay,  quradiganlar  kim
ekan,  deb  so‘ranglar.  Bilasizmi,  ular  kim?  –
Sinfga  kirib  kelgan  ustozlari  Orif  aka  bola-
larning  savollariga  savol  bilan  murojaat  qildi.
–
Bilmay  turibmiz-da,  ustoz!  Bilolmay  tu-
ribmiz...
–
Unda  gapimni  yaxshilab  eshitib  olinglar.
Bu  quriladigan  uylar  qishlog‘imizning  uyga  eh-
tiyoji  bor  yosh  oilalariga  ekan.  Qurilayotgan
uylar  siz-u  bizniki.  Endi  kimning  bo‘sh  vaqti
bo‘lsa,  o‘qishdan  keyin  yordamga  chiqsin.  Qu-
ruvchilarga  g‘isht,  qum,  tuproq  yetkazib  turish-
da  baholi  qudrat  yordam  berasizlar.
Shu  kuni  darsdan  keyin  Xurshidbek  ko‘cha-
sidagi  o‘rtoqlari  bilan  qurilish  bo‘layotgan  joyga
borishdi.  Bolalarni  ko‘rib  Bunyodbek  amaki  ju-
da  xursand  bo‘ldilar.
http://eduportal.uz

---

7
– Sizlarni  o‘zim  yordamga  chaqirmoqchi  bo‘lib
turgandim,  –  dedilar.  –  Yaxshiyam  o‘zingiz
kelib  qoldingiz.  Endi  gap  shu,  uylar  qish-
loqniki,  demak,  sizlarniki  ham.  Shunday  ekan,
ustalarimizga  g‘isht,  qum,  tuproq  tashib  berib
tursangiz  xursand  bo‘lardik.
– Yordam  beramiz!  Yordam  beramiz!
Yoz  tugamay,  yangi  uylar  qad  rostlab,  bir
chekkadan  bita  boshladi.  Uyning  egalari  ko‘-
chib  kela  boshlashdi.  Bu  orada  yangi  o‘quv  yili
boshlandi.  Bir  hafta  o‘qigan  ham  edik,  bir  kuni
Xurshidbekning  dadasi  Bunyodbek  amaki  oila
a’zolariga  quvonchli  xabarni  aytdi.
Xurshidbeklar  oilasi  ham  yangi  uyga  ko‘-
chadigan  bo‘lishdi.
http://eduportal.uz

---

8
Xurshidbek  keyin  bilsa,  yosh  oilalar  qatori
yangi  bitgan  uylardan  biri  ularning  oilasiga
berilgan  ekan.
1.  Xurshidbek  bolalarga  qanday  yangilikni  yet-
kazdi?
2.  Bunyodbek  amaki  nima  uchun  xursand
bo‘ldi?
Vàtàn  desam...
Ulug‘bek  Hamdam
Vatan  desam,  ko‘zimga
Qatra-qatra  yosh  kelar.
Yosh  ichida  miltirab,
Buyuk  bir  bardosh  kelar!
Vatan  desam,  tilimga
Temur-u  Bobur  kelar.
Moziylarni  uyg‘otib,
Do‘mbira,  tanbur  kelar!
Vatan  desam,  yuragim
Navolarga  to‘lgaydir.
Niyatni  yaxshi  qilsak,
Navoiy  tug‘ilgaydir!
Vatan  –  muqaddas  dargoh,
Imon  kabi  saqla  sen!
http://eduportal.uz

---

9
Otang  bergan  isming-u
Onang  sutin  oqla  sen!
Vatan  degin,  dilbandim,
G‘aflatlarda  yotma  hech.
Vatan  bu  o‘zligingdir,
Yot  ufqqa  botma  hech!
Vatan  desang,  o‘yingga
Ulug‘  shu  xalqing  kelsin!
Shu  xalqing  osmonida
Quyoshdek  balqqing  kelsin!..
Vatan  degin,  dilbandim!..
1. She’rni  ifodali  o‘qing.
2. Siz  Vataningizni  qanday  ta’riflaysiz?
3. Vatan  deganda  nimalar  ko‘z  oldingizga
keladi?