20-ma’ruza. Shaharni rivojlashtirishda hududiy-fazoviy shakllar Shaharning tarhiy tarkibi

3.1.
 
Shaharning rivojlanishiga ta’sir etuvchi omillar 
Iqtisodiy-geografik o‘rni:
shaharlar bir qancha omillar ta’siri ostida vujudga 
kelgan. Masalan, tabiiy - iqlimiy omillar natijasida yuzaga kelishi mumkin, ya’ni suv 
havzalariga yaqin, vodiylarda, tog‘ yonbag‘irlarida va shunga o‘xshash yashash uchun 
qulay sharoitlar mavjud joylarda. Qadimda karvon yo‘llari kesishgan joylarda ham 
shaharlar shakllangan. 
Paydo bo‘lish va rivojlanish davrlari:
yangi yoki qadimiy shahar. Masalan, 
3.3-rasm. Yangi shahar loyihalanishi variantlari.

---

shaharsozlik nuqtai nazaridan yangi shaharlarning (Navoi, Chirchiq, Bekobod va b.) 
tuzilishi qadimdan shakllanib, rivojlanib kelgan shaharlarga (Samarqand, Buxoro, Xiva 
va b.) nisbatan boshqacha bo‘ladi. Chunki qadimiy shaharlarni rivojlantirishda 
zamonaviy shaharsozlik talablari bilan bir qatorda tarixiy muhit va yodgorliklarni 
saqlab qolish ham asosiy ahamiyat kasb etadi. 
Shahar rejalarini ishlab chiqishda quyidagi omillar ta’sir ko‘rsatadi: 
-
aholi joylashuvida shaharning o‘rni; 
-
tanlangan hududning tabiiy-iqlimiy xususiyatlari; 
-
shahar ko‘ndalang kesimi (profili); 
-
shaharni tashkil yetuvchi tashkilotlar kattaligi; 
-
shahar hududining funksional hududlarga ajratilishi shartlari; 
-
turar-joy tumanlari va mehnat joylari orasidagi transport aloqasini tashkil etish; 
-
shaharning kelajakda rivojlanishini hisobga olish; 
-
atrof-muhitni himoya qilish talablari; 
-
hududni muhandislik jihozlash shartlari; 
-
qurilish iqtisodiyoti talablari; 
-
arxitekturaviy-badiiy talablar. 
Bu omillar shaharning rejaviy tarkibida o‘z aksini topadi, ya’ni turar-joy 
qurilmalarining ommaviy hududlar bilan magistral ko‘chalar va maydonlar yordamida 
o‘zaro bog‘lanishida aks etadi. Omillarning birontasi ustun kelishi yoki bir 
qanchasining birgalikda ko‘rsatadigan ta’siri natijasida 
rejaviy struktura turlari 
belgilanadi: ixcham, bo‘laklarga ajratilgan, tarqoq. 
Ixcham turi
shaharning barcha funksional hududlrining yagona perimetrda 
joylashishi bilan xarakterlanadi. 
Bo ‘laklarga ajratilgan turi
shahar hududini daryolar, jarliklar yoki temir yo‘l 
kesib o‘tgan hollarda yuzaga keladi. Ushbu holatda shaharning politsentrik strukturasi 
mos keladi va alohida tumanlarining nisbatan mustaqilligi va avtonomligi bilan 
xarakterlanadi. 
Tarqoq turi
o‘zaro transport tarmog‘i bilan bog‘langan bir qancha shahar rejaviy 
qismlarini ko‘zda tutadi. Mehnat joylari tarqoq shaklda rivojlangan shahar va va bir 

---

qancha yashash hududlari gruhlaridan shakllangan shaharlarda politsentrik va 
avtonomlik yaqqol ko‘zga tashlanadi. 
Bundan tashqari, agar katta daryo bo‘yida joylashgan bo‘lsa, shahar rejasi 
qismlarga ajratilgan-chiziqli
yoki sanoat va turar-joyni chiziqli-parallel joylashtirish 
va shahar rivojlanishi jarayoni xarakteriga ko‘ra 
chiziqli
shaklda bo‘ladi. 
Qismlarga ajratilgan-chiziqli
sistemada katta daryo bo‘yida joylashishi bilan 
bog‘liq holda shahar, odatda, daryodan ko‘ndalang yo‘nalishda uzoqlashib ketmaydi 
va daryo bo‘ylab uzoq masofaga cho‘zilishi mumkin (60-70 km gacha). 
Bu holatda tezyurar transportni uzoq masofaga qo‘llash zarurati tufayli asosiy 
ahamiyat bo‘ylama aloqalarga qaratiladi. 
Chiziqli rejalashtirish
shaklida shahar rejasining asosiy kompozitsion o‘qi bu 
butun shahar bo‘ylab o‘tadigan shahar transportining bo‘ylama chizig‘idir. Shaharni 
chiziqli rejalashtirishning qulay tomoni shundan iboratki, shakllanib bo‘lgan 
tumanlarni tubdan rekonstruksiya qilish zaruratisiz ham rivojlanishi mumkin. Chiziqli 
shaharning muhim kamchiligi esa - uning bir-biridan ma’lum miqdorda mustaqil 
bo‘lgan bir qancha aholi yashash joylariga ajralib qolishidir. 
Rejalashtirish masalalarini hal qilishda shuni yodda tutish lozimki, 
shahar - bu 
rivojlaniuvchi organizm,
shuning uchun, uning rejaviy strukturasi hududiy kengayishi, 
tashkil etuvchi elementlarining va ular orasidagi aloqaning yangilanishiga bog‘liq 
holda doimiy o‘zgarish jarayonida bo‘ladi. Shaharlarning rivojlanishi ketma- ketlik 
xarakteriga ega va shakllangan rejaviy strukturadan foydalanish bilan bog‘liq.