2. Umumiy o‘rta ta’lim va ixtisoslashtirilgan maktablarning harbiy-vatanparvarlik yo‘nalishiga ixtisoslashtirilgan sinflari to‘g‘risida nizom 2-ilovaga muvofiq tasdiqlansin

T/r	Umumiy o‘rta ta’lim va ixtisoslashtirilgan maktablarning manzili
Umumiy o‘rta ta’lim va ixtisoslashtirilgan maktablarning nomi
Qoraqalpog‘iston Respublikasi
1.	Nukus shahri	44-son umumiy o‘rta ta’lim maktabi
2.	Chimboy tumani	36-son ixtisoslashtirilgan maktab
3.	Xo‘jayli tumani	15-son ixtisoslashtirilgan maktab
4.	To‘rtko‘l tumani	18-son ixtisoslashtirilgan maktab
Andijon viloyati
5.	Andijon shahri	35-son ixtisoslashtirilgan maktab
6.	Bo‘ston tumani	48-son ixtisoslashtirilgan maktab
7.	Jalaquduq tumani	49-son ixtisoslashtirilgan maktab
8.	Xo‘jaobod tumani	23-son ixtisoslashtirilgan maktab
Buxoro viloyati
9.	Buxoro shahri	35-son umumiy o‘rta ta’lim maktabi
10.	Kogon shahri	9-son umumiy o‘rta ta’lim maktabi
11.	Qorovulbozor tumani	1-son umumiy o‘rta ta’lim maktabi
12.	Qorako‘l tumani	15-son umumiy o‘rta ta’lim maktabi
Jizzax viloyati
13.	Jizzax shahri	22-son ixtisoslashtirilgan maktab
14.	Arnasoy tumani	22-son ixtisoslashtirilgan maktab
15.	Baxmal tumani	78-son ixtisoslashtirilgan maktab
16.	Zomin tumani	60-son umumiy o‘rta ta’lim maktabi
Qashqadaryo viloyati
17.	Qarshi shahri	45-son umumiy o‘rta ta’lim maktabi
18.	Nishon tumani	35-son ixtisoslashtirilgan maktab
19.	G‘uzor tumani	53-son umumiy o‘rta ta’lim maktabi
20.	Shahrisabz tumani	83-son umumiy o‘rta ta’lim maktabi
Navoiy viloyati
21.	Navoiy shahri	1-son ixtisoslashtirilgan maktab
22.	Zarafshon shahri	1-son ixtisoslashtirilgan maktab
23.	Xatirchi tumani	88-son ixtisoslashtirilgan maktab
24.	Karmana tumani	10-son umumiy o‘rta ta’lim maktabi
Namangan viloyati
25.	Namangan shahri	58-son ixtisoslashtirilgan maktab
26.	Uchqurg‘on tumani	6-son ixtisoslashtirilgan maktab
27.	Pop tumani	11-son ixtisoslashtirilgan maktab
28.	Chortoq tumani	5-son ixtisoslashtirilgan maktab
Samarqand viloyati
29.	Samarqand shahri	1-son ixtisoslashtirilgan maktab
30.	Samarqand shahri	43-son ixtisoslashtirilgan maktab
31.	Kattaqo‘rg‘on shahri	11-son ixtisoslashtirilgan maktab
32.	Oqdaryo tumani	45-son ixtisoslashtirilgan maktab
Sirdaryo viloyati
33.	Guliston shahri	16-son umumiy o‘rta ta’lim maktabi
34.	Sayxunobod tumani	41-son ixtisoslashtirilgan maktab
35.	Xovos tumani	1-son ixtisoslashtirilgan maktab
36.	Guliston tumani	27-son ixtisoslashtirilgan maktab
Surxondaryo viloyati
37.	Termiz shahri	9-son ixtisoslashtirilgan maktab
38.	Oltinsoy tumani	2-son ixtisoslashtirilgan maktab
39.	Uzun tumani	4-son ixtisoslashtirilgan maktab
40.	Muzrobod tumani	8-son ixtisoslashtirilgan maktab
Farg‘ona viloyati
41.	Farg‘ona shahri	6-son umumiy o‘rta ta’lim maktabi
42.	Qo‘qon shahri	33-son ixtisoslashtirilgan maktab
43.	Oltiariq tumani	14-son umumiy o‘rta ta’lim maktabi
44.	Beshariq tumani	15-son umumiy o‘rta ta’lim maktabi
Xorazm viloyati
45.	Urganch shahri	24-son ixtisoslashtirilgan maktab
46.	Gurlan tumani	42-son ixtisoslashtirilgan maktab
47.	Yangiariq tumani	37-son ixtisoslashtirilgan maktab
48.	Shovot tumani	53-son ixtisoslashtirilgan maktab
Toshkent viloyati
49.	Chirchiq shahri	10-son umumiy o‘rta ta’lim maktabi
50.	Bekobod shahri	9-son umumiy o‘rta ta’lim maktabi
51.	Parkent tumani	5-son ixtisoslashtirilgan maktab
52.	Oqqo‘rg‘on tumani	49-son ixtisoslashtirilgan maktab
Toshkent shahri
53.	Yashnobod tumani	161-son umumiy o‘rta ta’lim maktabi
54.	Yakkasaroy tumani	172-son umumiy o‘rta ta’lim maktabi
55.	Yunusobod tumani	58-son umumiy o‘rta ta’lim maktabi
56.	Olmazor tumani	326-son ixtisoslashtirilgan maktab

Vazirlar Mahkamasining 2020-yil 17-apreldagi 237-son qaroriga
2-ILOVA

Umumiy o‘rta ta’lim va ixtisoslashtirilgan maktablarning harbiy-vatanparvarlik yo‘nalishiga ixtisoslashtirilgan sinflari to‘g‘risida

NIZOM

1-bob. Umumiy qoidalar

1. Ushbu Nizom O‘zbekiston Respublikasi Milliy gvardiyasiga biriktirilgan umumiy o‘rta ta’lim va ixtisoslashtirilgan maktablarning (keyingi o‘rinlarda — maktablar) harbiy-vatanparvarlik yo‘nalishiga ixtisoslashtirilgan sinflari (keyingi o‘rinlarda — ixtisoslashtirilgan sinflar) maqsadi va asosiy vazifalarini, ixtisoslashtirilgan sinflarga o‘quvchilarni qabul qilish va ularni o‘qishdan chetlatish, o‘quv-tarbiya jarayonini tashkil etish tartibini belgilaydi.

2. Ixtisoslashtirilgan sinflarda ta’lim jarayoni umumiy o‘rta ta’limning davlat ta’lim standartlariga muvofiq, O‘zbekiston Respublikasi Xalq ta’limi vazirligi (keyingi o‘rinlarda — Xalq ta’limi vazirligi) tomonidan ishlab chiqilgan va O‘zbekiston Respublikasi Milliy gvardiyasi (keyingi o‘rinlarda — Milliy gvardiya) bilan kelishilgan holda tasdiqlangan o‘quv rejasi va o‘quv dasturlari asosida tashkil etiladi.

2-bob. Ixtisoslashtirilgan sinflarning maqsadi va asosiy vazifalari

3. Umumiy o‘rta ta’lim fanlari doirasida harbiy-vatanparvarlik yo‘nalishi bo‘yicha o‘quvchilarning chuqur ta’lim olishini ta’minlash ixtisoslashtirilgan sinflarning maqsadi hisoblanadi.

4. Ixtisoslashtirilgan sinflarning asosiy vazifalari quyidagilardan iborat:

yuksak ma’naviy-axloqiy fazilatlarga va vatanparvarlik tuyg‘usiga ega intellektual rivojlangan yoshlarni tarbiyalash;

ona Vatan kelajagi uchun o‘ziga mas’uliyatni oladigan, Vatan sha’nini himoya qilishga tayyor, mustahkam qarash va qat’iy fuqarolik pozitsiyasiga ega o‘quvchi-yoshlarni tayyorlash;

o‘quvchilarda harbiy burch va harbiy xizmatni ado etishda zarur bo‘ladigan professional harbiy va ijodiy ko‘nikmalarni shakllantirish;

ta’lim oluvchilarni “Temurbeklar maktablari” harbiy-akademik litseylari va O‘zbekiston Respublikasi Milliy gvardiyasi Harbiy-texnik instituti hamda boshqa oliy harbiy ta’lim muassasalariga o‘qishga kirishi uchun maqsadli va chuqurlashtirilgan holda tayyorlash.

3-bob. Ixtisoslashtirilgan sinflarga o‘quvchilarni qabul qilish va o‘qishdan chetlatish tartibi

5. Ixtisoslashtirilgan sinflarga maktablarning 6-sinfini muvaffaqiyatli yakunlagan, chuqurlashtirib o‘qitish belgilangan o‘quv fanlaridan muayyan qobiliyatini ko‘rsata olgan o‘g‘il va qiz bolalar (keyingi o‘rinlarda — nomzod) tanlov natijalari asosida qabul qilinadi.

Ixtisoslashtirilgan sinflarga nomzodlarni tanlab olish va o‘qishga qabul qilish mazkur Nizomga 1-ilovaga muvofiq sxema asosida amalga oshiriladi.

6. Ixtisoslashtirilgan sinflar tashkil etilgan maktablarning rahbariyati har yili 1-iyunga qadar tanlov haqida ommaviy axborot vositalarida e’lon beradi.

7. Ixtisoslashtirilgan sinflar tashkil etilgan maktablarda hujjatlarni qabul qilish, rasmiylashtirish, jismoniy tayyorgarlik bo‘yicha sinovlar o‘tkazish, test sinovini o‘tkazish uchun tegishli hujjatlarni tayyorlash hamda ota-onalarning murojaatlarini ko‘rib chiqish maqsadida qabul komissiyasi (keyingi o‘rinlarda — qabul komissiyasi) tuziladi.

Qabul komissiyasi tarkibi 7 nafardan kam bo‘lmagan toq miqdorda tashkil etilib, uning tarkibiga ixtisoslashtirilgan sinflar tashkil etilgan maktab direktori, Qoraqalpog‘iston Respublikasi Xalq ta’limi vazirligi, viloyatlar va Toshkent shahar xalq ta’limi boshqarmalari vakillari, maktab o‘qituvchilari hamda Milliy gvardiya hududiy bo‘linmalarining mas’ul vakili kiritiladi.

Ixtisoslashtirilgan sinflar tashkil etilgan maktab direktori komissiya raisi hisoblanadi.

8. Nomzodlarning ixtisoslashtirilgan sinflarga kirish uchun tegishli hujjatlari 1 — 20-iyul kunlari qabul qilinadi.

9. Ixtisoslashtirilgan sinflarga nomzodlar qabuli bo‘yicha ma’lumotlar Xalq ta’limi vazirligi tomonidan 21-iyulga qadar umumlashtirilib, Milliy gvardiyaga ma’lumot uchun taqdim etiladi.

10. Tanlovda ishtirok etish uchun nomzodlardan quyidagi hujjatlar qabul qilinadi:

ixtisoslashtirilgan sinflar tashkil etilgan maktab direktori nomiga ariza;

tug‘ilganlik haqidagi guvohnomaning nusxasi;

086-U shakl bo‘yicha tibbiy ma’lumotnoma;

psixonevrologik, silga qarshi va teri-tanosil kasalliklari dispansyerlari, elektrokardiografiya tekshiruvi (EKG) bo‘yicha tibbiy ma’lumotnomalar;

3x4 hajmdagi 6 ta fotosurat;

fanlarni o‘zlashtirishi to‘g‘risida o‘qish joyidan direktor tomonidan tasdiqlangan ma’lumotnoma;

o‘qish joyidan tavsifnoma;

jismoniy tarbiya va sport yo‘nalishi bo‘yicha o‘quvchining erishgan yutuqlarini tasdiqlovchi hujjatidan (faxriy yorliq, sertifikat, diplom kabi, agar ular mavjud bo‘lsa) ko‘chirma.

11. Ixtisoslashtirilgan sinflarga kirish uchun jismoniy tayyorgarlik sinovlari 21-iyul — 5-avgust, tegishli fanlar yo‘nalishi bo‘yicha test sinovlari 15 — 25-avgust kunlari oralig‘ida o‘tkaziladi.

12. Qabul komissiyasi tomonidan tasdiqlangan jadval asosida murojaat qiluvchilarga maslahat berib boriladi.

13. Ixtisoslashtirilgan sinflarga tegishli fanlar bo‘yicha test sinovlari hamda jismoniy tayyorgarlik sinovlari qabul komissiyasi tomonidan o‘tkaziladi.

14. Test sinovi hamda jismoniy tayyorgarlik sinovi materiallari va metodikasi yetakchi mutaxassislarni jalb etgan holda Xalq ta’limi vazirligi tomonidan shakllantiriladi.

15. Ixtisoslashtirilgan sinflarga qabul qilish bo‘yicha tanlov teng huquqlilik va qabul qilishning yagona qoidalari asosida amalga oshiriladi.

16. Jismoniy tayyorgarlik bo‘yicha sinovda umumiy o‘rta ta’limning 6-sinflar o‘quv dasturi doirasida har bir nomzodga 5 tadan jismoniy mashqlar beriladi. Jismoniy tayyorgarlik bo‘yicha sinov 100 ballik tizimda mazkur Nizomga 2-ilovaga muvofiq baholanadi.

Yakunlari bo‘yicha 70 va undan yuqori ball to‘plagan nomzodlar test sinovlariga qo‘yiladi.

17. Jismoniy tayyorgarlik sinovlariga kelmagan nomzodlar uchun qo‘shimcha sinovlar o‘tkazilmaydi.

18. Nomzodlar uch tildan — o‘zbek, qoraqalpoq va rus tillaridan birini shaxsan tanlagan holda umumiy o‘rta ta’limning davlat ta’lim standartlari doirasida test sinovlari topshiradilar.

19. Test sinovlariga belgilangan muddatda kelmagan nomzodlar uchun takroriy test sinovlari o‘tkazilmaydi.

20. Test sinovlarini o‘tkazish sanasi, joyi va vaqti qabul komissiyasi tomonidan belgilanadi.

21. Test topshiriqlari umumiy o‘rta ta’lim fanlariga qo‘yilgan (5-6-sinflar kesimida) davlat ta’lim standartlariga muvofiq tuziladi.

Test topshiriqlari kitobida har bir fan (tarix, matematika, ona tili) uchun 10 ta topshiriq belgilanadi. Umumiy 100 ballik tizimda baholanadi. Tarix fanidan bitta to‘g‘ri javobga 4 ball, matematika va ona tili fanlaridan bitta to‘g‘ri javobga 3 ball qo‘yiladi.

Nomzodga test topshiriqlarini bajarish bo‘yicha har bir savol uchun 3 daqiqa vaqt beriladi.

Javoblar varaqasini to‘ldirish uchun nomzodga belgilangan vaqt me’yoridan tashqari qo‘shimcha 10 daqiqa vaqt ajratiladi.

22. Jismoniy tarbiya va sport yo‘nalishida respublika va xalqaro miqyosda muvaffaqiyatga erishgan o‘quvchilarning jismoniy tayyorgarlik natijalariga maksimal ballning 25 foizi miqdorida qo‘shimcha ball qo‘shiladi.

23. Nomzodlarning tanlovdagi ko‘rsatkichlari teng bo‘lib qolgan hollarda quyidagilar imtiyozga ega bo‘ladi:

ota-onasining qaramog‘idan mahrum bo‘lgan bolalar;

sport yo‘nalishida viloyat, respublika va xalqaro miqyosda yutuqlarga erishgan o‘quvchilar;

kam ta’minlangan oilalarning farzandlari.

Mazkur band bo‘yicha ko‘rsatkichlar teng bo‘lib qolganda jismoniy tayyorgarlikdan qo‘shimcha sinov o‘tkazilishi mumkin.

24. Jismoniy tayyorgarlik va test sinovlarini topshirgan nomzodlar orasidan ballar yig‘indisi bo‘yicha ketma-ketlikda kamayish tartibida 30 nafari qabul qilinadi.

25. Tanlovning yakuniy natijalari 25-avgust kuni qabul komissiyasi tomonidan ixtisoslashtirilgan sinflar tashkil etilgan maktablarning e’lonlar taxtasiga osib qo‘yiladi.

26. Tanlovdan o‘tmagan nomzodlarning hujjatlari ota-onalariga qaytarib berilmaydi.

27. Tanlovni o‘tkazish jarayonidan norozi bo‘lgan nomzodlar va ularning ota-onalari yoki ularning o‘rnini bosuvchi shaxslar amaldagi qonunchilikka muvofiq murojaat etishlari mumkin.

28. Tanlovdan muvaffaqiyatli o‘tgan nomzodlar 30-avgustga qadar ixtisoslashtirilgan sinflar tashkil etilgan maktab direktori buyrug‘i asosida o‘quvchilar safiga kiritiladi.

29. Ixtisoslashtirilgan sinflar tashkil etilgan maktabning ustavida belgilangan ichki tartib-qoidalarni buzgan hamda qoniqarsiz o‘zlashtirishga ega o‘quvchilar tuman (shahar) hokimliklari huzuridagi voyaga yetmaganlar ishlari bo‘yicha komissiyalar bilan kelishilgan holda pedagogik kengash qarori asosida avval o‘qigan sinfi yoki maktabiga (o‘quvchining yashash joyi o‘zgargan taqdirda hududdagi boshqa maktabga) qaytarib yuboriladi.

30. Ixtisoslashtirilgan sinflar tashkil etilgan maktabda bo‘shab qolgan o‘rinlarga tanlovda ishtirok etib, lekin qabul qilinmay qolgan o‘quvchilar ballar reytingi bo‘yicha ketma-ketlikda qabul qilinadi.

Agar o‘quvchining ota-onasi yoki ularning o‘rnini bosuvchi shaxslardan rad javobi olinsa, ballar reytingi bo‘yicha navbatdagi yuqori ball to‘plagan o‘quvchi chaqirib olinadi.

Mazkur bandda belgilangan talablar faqatgina ixtisoslashtirilgan sinflar tashkil etilgan maktablarning 7-sinfi o‘quv yilining birinchi yarim yilligi bo‘yicha qo‘llaniladi.

31. Ixtisoslashtirilgan sinflarning 10-sinfiga o‘tish davrida o‘quvchilar soni 30 nafardan kamayganida (“Temurbeklar maktabi” harbiy-akademik litseylari, akademik litseylar yoki kasb-hunar kollejlariga o‘qishga qabul qilinish hisobiga) qolgan bo‘sh o‘rinlar uchun qo‘shimcha tanlov o‘tkazilishi mumkin.

32. Ixtisoslashtirilgan sinflarning 10-sinfi uchun bo‘sh o‘rinlarga tanlov o‘tkazish, 7-sinflar uchun tanlov o‘tkazish tartibi va muddatlariga muvofiq o‘tkaziladi.

4-bob. Ixtisoslashtirilgan sinflarda o‘quv-tarbiya jarayonini tashkil etish

33. Ixtisoslashtirilgan sinflarda ta’lim 7 — 11-sinflarda kunduzgi ta’lim shaklida amalga oshiriladi. Ta’lim o‘zbek, qoraqalpoq va rus tillarida olib boriladi.

34. Ixtisoslashtirilgan sinflarda o‘quv-tarbiya jarayoni umumiy o‘rta ta’limning davlat ta’lim standartlari talablari asosida tashkil qilinadi.

35. Ixtisoslashtirilgan sinflarda o‘quvchilar bilan dars va darsdan tashqari mashg‘ulotlar o‘tkazishda turli zamonaviy shakllar va usullardan, jumladan o‘qitilayotgan fanlar bo‘yicha fakultativ va to‘garak mashg‘ulotlari hamda o‘quvchilarni Vatanga sadoqat va muhabbat ruhida tarbiyalash tadbirlaridan foydalaniladi.

36. Ixtisoslashtirilgan sinflar o‘quvchilari uchun o‘qish, dam olish va turli tadbirlarni qo‘shib olib borishga qaratilgan kun tartibi tuziladi.

37. O‘quv yili yakuni bo‘yicha tarix, matematika, ona tili fanlaridan qoniqarsiz natija ko‘rsatgan ixtisoslashtirilgan sinflarning o‘quvchilari maktab pedagogik kengashi qarori bilan maktabning umumiy sinflariga o‘qishni davom ettirish uchun o‘tkaziladi.

38. O‘quvchilarning ota-onalari yoki ularning o‘rnini bosuvchi shaxslarning (keyingi o‘rinlarda — ota-onalar) ehtiyojidan kelib chiqib, ixtisoslashtirilgan sinflarning o‘quvchilarini darsdan tashqari mashg‘ulotlarga to‘liq jalb etilishiga qo‘shimcha sharoitlar yaratish maqsadida shartnoma asosida kuzatuv kengashlari tomonidan o‘quvchilarni sog‘lom ovqatlantirish tashkil etilishi mumkin.

39. Ixtisoslashtirilgan sinflarda o‘quvchilar soni (har bir sinfda) 30 nafardan oshmasligi lozim.

40. Ixtisoslashtirilgan sinflarning 9-sinfini yakunlagan o‘quvchilarga umumiy o‘rta ta’lim to‘g‘risida shahodatnoma, 11-sinfini tamomlagan o‘quvchilarga umumiy o‘rta ta’lim to‘g‘risida attestat beriladi.

41. Ixtisoslashtirilgan sinflarni yakunlaganlik to‘g‘risida shahodatnoma (attestat) boshqa ta’lim muassasalariga kirishda qo‘shimcha imtiyoz bermaydi.

5-bob. Ixtisoslashtirilgan sinflardagi o‘quv-tarbiya jarayoni ishtirokchilari

42. Ixtisoslashtirilgan sinflardagi o‘quv-tarbiya jarayoni ishtirokchilariga quyidagilar kiradi:

O‘zbekiston Respublikasi Xalq ta’limi vazirligi;

O‘zbekiston Respublikasi Milliy gvardiyasi;

ixtisoslashtirilgan sinflar tashkil etilgan maktablar direktorlari;

ixtisoslashtirilgan sinflarda dars berayotgan pedagoglar.

43. Oliy ma’lumotli, ta’lim muassasalari o‘qituvchilariga qo‘yiladigan malaka talablariga javob beruvchi, yuksak axloqiy sifatlarga ega bo‘lgan shaxslar ixtisoslashtirilgan sinflarda pedagogik faoliyat bilan shug‘ullanish huquqiga egadirlar.

Sud hukmi asosida pedagogik faoliyat bilan shug‘ullanish man etilgan shaxslarga ixtisoslashtirilgan sinflarda ushbu faoliyatni yuritishiga yo‘l qo‘yilmaydi.

44. Ixtisoslashtirilgan sinflarda dars berayotgan pedagog kadrlarni attestatsiyadan o‘tkazish belgilangan tartibda amalga oshiriladi.

45. Ixtisoslashtirilgan sinflari mavjud umumiy o‘rta ta’lim muassasalari xodimlari mehnatiga haq to‘lash Vazirlar Mahkamasining “Xalq ta’limi xodimlari mehnatiga haq to‘lashning takomillashtirilgan tizimini tasdiqlash to‘g‘risida” 2005-yil 21-dekabrdagi 275-son qaroriga muvofiq amalga oshiriladi.

Maktab rahbariyati ixtisoslashtirilgan sinflar o‘quvchilarining qonun hujjatlarida belgilangan o‘qish va dam olish sharoitlariga rioya etishi yuzasidan javob beradi.

46. Maktab direktori ixtisoslashtirilgan sinflar faoliyatini nazorat qiladi, o‘quvchilarning sifatli o‘qitilishi va tarbiyalanishi, o‘quv rejalari va o‘quv dasturlarining bajarilishi, ixtisoslashtirilgan sinfning o‘quv-metodik va moliya-xo‘jalik faoliyatining zarur darajada amalga oshirilishi yuzasidan javob beradi.

47. Quyidagilar Xalq ta’limi vazirligining vazifalari hisoblanadi:

Milliy gvardiya bilan birgalikda ixtisoslashtirilgan sinflarga o‘quvchilar qabulini tashkil etish;

Milliy gvardiya bilan kelishilgan holda, davlat ta’lim standartlariga muvofiq ixtisoslashtirilgan sinflar uchun o‘quv reja va o‘quv dasturlarini ishlab chiqish va tasdiqlash;

pedagog kadrlarning malakasini oshirish va ularni qayta tayyorlashni tashkil etish;

o‘quv-tarbiya jarayonini sifatli tashkil etish, ilg‘or pedagogik va axborot texnologiyalarini ta’lim dasturlari hamda o‘quv-tarbiya jarayoniga samarali joriy etish bo‘yicha amaliy ilmiy-metodik yordam ko‘rsatish;

o‘quv, o‘quv-metodik adabiyotlar va ko‘rgazmali qo‘llanmalar ishlab chiqish, nashr etish hamda ixtisoslashtirilgan sinflarni ular bilan ta’minlashni tashkil etish;

o‘quvchilarni harbiy-vatanparvarlik, huquqiy, ma’naviy-axloqiy va estetik tarbiyalashni ta’minlaydigan kompleks ma’naviy-ma’rifiy hamda tarbiyaviy ishlarni tashkil etish va amalga oshirish;

Milliy gvardiya bilan hamkorlikda ixtisoslashtirilgan sinflar o‘quvchilarini aniq maqsadni ko‘zlagan holda kasbga yo‘naltirish;

Milliy gvardiya ta’lim muassasalari bilan o‘zaro samarali hamkorlik qilishni tashkil etish va nazorat qilish;

ixtisoslashtirilgan sinflari mavjud maktablarni o‘qitishning zamonaviy texnik vositalari, kompyuter texnikasi va tegishli o‘quv-laboratoriya asbob-uskunalari bilan jihozlash;

ixtisoslashtirilgan sinflari mavjud maktablarning ma’muriy, moliyaviy va xo‘jalik faoliyatini, shuningdek moddiy-texnik ta’minotini belgilangan tartibda muvofiqlashtirish va nazorat qilish;

Milliy gvardiya va O‘zbekiston yoshlar ittifoqi bilan hamkorlikda ixtisoslashtirilgan sinflari mavjud maktablarning o‘quvchilari o‘rtasida “Yosh gvardiyachilar” tanlovi (harbiy sport musobaqalari), aniq fanlar, ijtimoiy-gumanitar va chet tili fanlari bo‘yicha viktorinalar o‘tkazish;

yakuniy davlat attestatsiyasini tashkil etish va ixtisoslashtirilgan sinflar bitiruvchilariga shahodatnoma (attestat)lar berish.

48. Quyidagilar Milliy gvardiyaning vazifalari hisoblanadi:

o‘quv-tarbiya jarayonini sifatli tashkil etishda, harbiy mavzudagi ilg‘or pedagogik va axborot texnologiyalarini ta’lim dasturlariga va o‘quv jarayoniga joriy etishda amaliy metodik yordam ko‘rsatish;

chaqiruvga qadar boshlang‘ich tayyorgarlik fani dasturiga muvofiq ixtisoslashtirilgan sinflarni harbiy-muhandislik asbob-uskunalari va kimyoviy muhofaza vositalari, harbiy mavzudagi o‘quv va ko‘rgazmali qo‘llanmalar bilan ta’minlash;

ixtisoslashtirilgan sinflar o‘quvchilari bilan Milliy gvardiya ta’lim muassasalari va harbiy bo‘linmalari bazalarida o‘q otish, maxsus tayyorgarlik bo‘yicha (shu jumladan, dala sharoitlarida ham) amaliy mashg‘ulotlarni tashkil etish va o‘tkazishga ko‘maklashish;

ixtisoslashtirilgan sinflar o‘qituvchilarining kasbiy mahoratini oshirib borish maqsadida ixtisoslashtirilgan sinflari mavjud maktablarni Milliy gvardiya harbiy bo‘linmalariga biriktirish;

Xalq ta’limi vazirligi bilan birgalikda chaqiruvga qadar boshlang‘ich tayyorgarlik fani dasturini takomillashtirish;

ixtisoslashtirilgan sinflarga o‘quvchilarni qabul qilish, bitiruvchilarning yakuniy davlat attestatsiyasi jarayonlarida qatnashish.

6-bob. Yakunlovchi qoidalar

49. Ixtisoslashtirilgan sinflari mavjud maktablarning faoliyatini moliyalashtirish qonun hujjatlariga muvofiq amalga oshiriladi.

50. Ushbu Nizom talablarining buzilishida aybdor bo‘lgan shaxslar qonunchilikda belgilangan tartibda javob beradilar.

Umumiy o‘rta ta’lim va ixtisoslashtirilgan maktablarning harbiy-vatanparvarlik yo‘nalishiga ixtisoslashtirilgan sinflari to‘g‘risida nizomga

1-ILOVA

Ixtisoslashtirilgan sinflarga nomzodlarni tanlab olish va o‘qishga qabul qilish

SXEMASI

Bosqichlar			Ijrochilar			Tadbirlar			Bajarish muddati
I bosqich			Maktab direktori			Ixtisoslashtirilgan sinflarga tanlov haqida ommaviy axborot vositalarida e’lon beradi.			1-iyunga qadar
II bosqich			Qabul komissiyasi			Nomzodlarning hujjatlarini qabul qiladi.			1 — 20-iyul
III bosqich			Qabul komissiyasi			1. Jismoniy tayyorgarlik sinovlarini o‘tkazadi. 2. Test sinovlarini o‘tkazadi.			1. 21-iyul — 5-avgust 2. 15 — 25-avgust
IV bosqich			Qabul komissiyasi			Kirish imtihonlarining yakuniy natijalarini e’lon qiladi.			25-avgustga qadar
V bosqich			Maktab direktori			Nomzodlarning ixtisoslashtirilgan sinf o‘quvchilari safiga qabul qilinishi to‘g‘risida buyruq chiqaradi.			30-avgustga qadar

Umumiy o‘rta ta’lim va ixtisoslashtirilgan maktablarning harbiy-vatanparvarlik yo‘nalishiga ixtisoslashtirilgan sinflari to‘g‘risida nizomga
2-ILOVA

Jismoniy tayyorgarlik bo‘yicha sinov natijalarini baholash

MEZONLARI

T/r	Sinov mashqlari	Natijalari va ballar
		O‘g‘il bolalar				Qiz bolalar
		20	15	10	5	20	15	10	5
1.	60 metrga yugurish, soniya	10,0	10,5	11,0	11,5	10,3	10,8	11,3	11,8
2.	Yugurib kelib uzunlikka sakrash, sm	340	310	270	280	310	270	230	250
3.	1000 metrga yugurish, daqiqa	4,10	4,30	5,0	5,50	5,40	6,10	6,40	7,00
4.	To‘pni uloqtirish, metr	36	30	21	15	23	18	15	12
5.	Baland turnikda tortilish, marta	6	4	3	2	-	-	-	-
6.	Gardishni 1 daqiqagacha belda aylantirish, marta	-	-	-	-	65	55	40	30

(Qonun hujjatlari ma’lumotlari milliy bazasi, 18.04.2020-y., 09/20/237/0462-son)