2 tajriba mashg’uloti. Avtomatika vositalarini montaj qilishni laboratoriya stendlarida o‘rnatish

Shchit va pultlarni tayyorlashdagi asosiy xujjatlar

Shchit va pultlarni tayyorlashdagi asosiy xujjat, bu shchit va pultlarning frontal va ichki tomondan ko‘rinishi xamda ichki simlarning ulanish chizmalaridir. Shchit va pultlarning loyixa xujjatlariga shchitlarning umumiy ko‘rinishi chizmalari, elektr simlarni montaj qilish jadvallari va shchit va pultlarni OST 3673-76 bo‘yicha spetsifikatsiyasi kiradi.

Shchitlarning umumiy ko‘rinishi chizmalari

Shchitlarning umumiy ko‘rinishi chizmalarini aloxida shchitlar va yig‘ma shchitlar uchun ishlab chiqiladi.

Alohida shchitlarning umumiy ko‘rinishi chizmalariga (rasm 35.) shchitning old tomondan frontal yuzasi ko‘rinishi, ichki tomondan ko‘rinishi, tablo va ramkalardagi yozuvlar jadvali, tarkibiy qismlar ro‘yxati va asosiy yozuvlar kiradi.

Yig‘ma shchitlarning umumiy ko‘rinishi chizmasiga (rasm 37.) old tomondan frontal yuzasi ko‘rinishi, tarkibiy qismlar ro‘yxati va asosiy yozuvlar kiradi.

Alohida shchitlarning umumiy ko‘rinishi chizmalari 1:10 masshtabda, shchit xonasidagi yig‘ma shchitlarning joylashish chizmasi esa 1:25 masshtabda ko‘rsatiladi. O‘lchov asboblari va avtomatlashtirish vositalarini bu chizmalarda soddalashtirib, tashqi ko‘rinish chiziqlari ko‘rinishida chiziladi. Shchitdagi xamma elementlarga pozitsiya nomerlari beriladi.