2 tajriba mashg’uloti. Avtomatika vositalarini montaj qilishni laboratoriya stendlarida o‘rnatish

Kommutatsion qisqichlarning (K3) sonini va joylashish joyini aniqlash.

Kommutatsion qisqichlar ichki va tashqi elektr jixozlar simlarini ulash uchun ishlatiladi. Shuningdek, shchitning xar xil seksiyalarida joylashgan yoki xar xil shkaflarda joylashgan qurilmalarni ulashda ishlatiladi.

Shchitning bir seksiyasida joylashgan qurilmalarni ulashda kommutatsion qisqichlardan foydalanilmaydi. Shuningdek termoparani ikkilamchi o‘lchov asbobiga ulashda xam kommutatsion qisqichlar ishlatilmaydi.

Kommutatsion qisqichlar odatda shchitning umumiy ko‘rinishida, orqa tomondan ko‘rinish (montaj-kommutatsiya) chizmasida ko‘rsatiladi. Kommutatsion qisqichlar sonini prinsipial elektr chizmalardan va o‘lchov asboblarining texnik xarakteristikalaridan olinadi.

Qisqichlar odatda gruppalanadi: agregatlar bo‘yicha o‘lchash, rostlash, boshqarish va signallash tizimlari bo‘yicha va ishlatiladigan kuchlanish bo‘yicha (36v va 220v) 220v kuchlanish bilan ishlovchi simlar qopqoqlangan bo‘lishi yoki ogoxlantiruvchi yozuvlar bilan ogoxlantirilgan bo‘lishi kerak.

Qisqichlar guruxlarini bir-biridan erkin qisqichlar yoki markirovka qiluvchi kolodkalar ajratib turadi.

Xar bir qisqichlar guruxida rezerv qisqichlar xisobga olinadi. Odatda xar 6ta qisqichga 1ta rezerv qisqich, 7-16 qisqichga 2ta, 17-32 qisqichga 3ta rezerv qisqich xisobga olinadi.

Kommutatsion qisqichlar odatda gorizontal ravishda joylashtirilib oldi tomondagi yoki yon tomondagi panellarga o‘rnatiladi. O‘rnatilish balandligi 350-800mm.

Pultlarda kommutatsion qisqichlar yon devorda 350mm balandlikda gorizantal ravishda o‘rnatiladi.

Agar qisqichlar 2 qator bo‘lsa, unda ular orasidagi masofa 200mmdan kam bo‘lmasligi kerak.

Agar shchitga impuls trubalar olib kelinsa, unda “pereborochniy soyediniteli” (PS)lar o‘rnatiladi. Ular (PS) shchitning yon devoriga o‘rnatiladi.

Elektr ulash simlarini tanlashda mumkin bo‘lgan tok “yuklamasi” xisobga olinadi. Odatda polixrolvinil izolyatsiyali mis simlar ishlatiladi. Simlarning kesim yuzasi 0,35, 0,5, va 1mm² bo‘lishi mumkin.

Impuls trubkalar vazifasiga qarab, ichidagi moddaning kimyoviy xususiyatiga qarab, o‘lchov asboblariga ulanish razmerlariga qarab tanlanadi. Shchit ichida ham tashqi ulashda ishlatiladigan trubkalar ishlatiladi. Qo‘shimcha polietilen, polivinilxloridli, po‘lat va mis trubkalardan foydalaniladi. Ulash gorizontal hamda vertikal ravishda eng qisqa yo‘l bo‘yicha tortiladi.