2. Сувнинг сифат кўрсаткичлари Сув тозалашда кагулатся жарайони

Сувни тиндириш

Сувни муаллақ заррачалардан тозалашга сувни тиндириш деб аталади. Тиндириш жараёнида зичлиги сув зичлигидан кичик бўлган заррачалар юзига қалқиб чиқса, зичлиги сув зичлигидан катта бўлган заррачалар сув тагига чўкади. Сув тозалаш техникасида сувни тиндириш кимёвий реагентлар ёрдамида ёки кимёвий реагентларсиз ҳам олиб борилади. Бу жараён сувга кимёвий реагентлар қўшиб олиб борилса, сув таркибидаги муаллақ ва коллоид заррачалар бутунлай чўкиб, ундаги ион заррачаларнинг миқдори қисман камаяди. Сувни кимёвий реагентларсиз тиндириш, асосан таркибида коллоид заррачалар микдори унчалик кўп бўлмаган лойка сувлар учун қўлланади.
ИЭСларида сувга реагент қўшиб тозалаш усули айникса, табиий ва чиқинди сувларни тозалашда кенг қўлланади. Сув тозалаш техникасида сувни тиндириш ва реагент қўшиб тозалаш ҳар хил тиндиргич /осветлитель/ қурилмаларида ёки махсус ҳовузларда олиб борилади. Тиндиришдаги технологик жараёнлар ва қўлланадиган қурилмалар сув тозалашнинг биринчи босқичини ташкил этади. Тиндиргичда сувни тозалаш механик филтьрлардан ўтказиш билан якунланади.
Биринчи босқичда ишлатиладиган технологик қурилмалар қўйидаги белгилари билан: реагент қўшилмаслигига; сувни тозалаш даражасига; технологик жараёнлар сонига; қурилмаларнинг катта-кичиклигига; улардан фойдаланиш усулларига, ҳамда тозаланган сувнинг таркибига қараб, бир-биридан фарқ қилади. Сувни тиндиришда унинг таркибига қараб, иқтисодий жиҳатдан арзон ва қулай қурилмалар танланади.
3.Сув тозалаш техникасида коагуляция жараёнини тезлаштириш учун сувга коагулянт моддалар билан биргаликда қўшимча реагентлар ҳам қўшилади. Бундай реагентлар флокуляторлар деб аталади. Флокуляторлар сувда яхши эрийдиган кимёвий моддалар бўлиб, улар сунъий равишда органик моддалардан синтез қилинади. Сув тозалаш техникасида энг кўп қўлланиладиган флокуляторлардан полиакриламид [C₃H₅ON]_n ва жумҳуриятимиз олимлари томонидан кашф этилган сув лойқалигини чўктиришда яхши натижа берган қуйидаги флокулаторлар: яъни полиакрилнитрилнинг натрийли бирикмаси асосидаги К-4 серияли:
СН₂ –СН –СН₂ –СН – СН –СН₂ –СН₂

CОNH₃ O=C–NH–C–O СOONa
Винилацетат ва метакрил кислотаси асосида олинган, САВ серияли:
СН₂ –СН – СН₂ –СН –СН₂ – СН
СООН СООNa OH
Акрил кислотаси асосида олинган СМА серияли флокулянтлардир.
СН₂ – СН – СН₂ – СН –СН₂ - СН
СООН CONH₂ COONH₄
К – 4 ва СМА серияли флокуляторлар анион флокуляторлар бўлиб, сувга Al₂(SO₄)₃ тузи билан бирга қўшилганда, айниқса яхши натижа беради. САВ серияли флокулянтлар эса сувга алохида қўшилганида ҳам коагуляция жараёнини тезлаштиради.