ҒЎза баргларидаги фотосинтез жараёнига глицирризин кислотаси асосида олинган препаратларнинг тасири

ҒЎЗА БАРГЛАРИДАГИ ФОТОСИНТЕЗ ЖАРАЁНИГА ГЛИЦИРРИЗИН КИСЛОТАСИ АСОСИДА ОЛИНГАН ПРЕПАРАТЛАРНИНГ ТАСИРИ
С.Б.Наврузов, таянч докторант, ЎзР ФА Биоорганик кимё институти, Тошкент
Н.Р.Хошимова, б.ф.д., ет.ил.ходим ЎзР ФА Биоорганик кимё институти, Тошкент
Аннотация. Мақолада ғўзанинг Султон нави нихолларини шоналаш даврида глицирризин кислотаси асосида олинган препаратлари билан барг орқали озиқлантиришнинг хлорофилл миқдорига таъсири ўрганилган. фотосинтез самародорлиги ва фотосинтетик пигмент таркибини таҳлил қилиш орқали ДАГ-1 препарати бошқа препаратларга нисбатан афзалиги аниқланган.
Калит сўзлар: ғўза, фотосинтез, хлорофилл, глицирризин кислота, шўрланиш.
Мавзунинг долзарблиги. Ўзбекистон Республикасининг деярли барча ҳудудларининг иқтисодий жиҳатдан фаровонлиги ва ривожланиш истиқболлари биринчи навбатда, пахтадан юқори хосил олиш билан боғлиқ ҳисобланади [1]. Ғўзанинг ўсишига туртки берувчи, экологик жиҳатдан тоза ва иқтисодий жиҳатдан самарадор ҳисобланган янги стимуляторларни излаб топиш пахтачиликда долзарб масалалардан бири ҳисобланади [2]. Сўнгги йиллардаги амалиёт натижалари кўрсатишича, ғўза баргларини шоналаш вақтида глицирризин кислотаси бирикмалари билан ишлов бериш техник махсулот миқдори ва сифатини ошириши қайд қилинган. Айниқса, Сирдарё вилоятининг шўрланган тупроқ иқлим шароитида бу ҳолат муҳим аҳамиятга эга ҳисобланади [3].
Маълумки, тупроқ шўрланиши натижасида ўсимликлардаги оксидланиш стресини келтириб чиқарадиган кислолороднинг фаол шаклларини миқдорини камайтирадиган тизимлар самарали ишламаса, пластидаларнинг яхлитлиги бузилади ва фотосинтез фаоллиги пасаяди [4].
Юқоридагилардан келиб чиқиб тажриба давомида Сирдарё вилоятининг шўрланган дала майдонларидаги ғўзанинг Султон нави нихоллари шоналаш даврида 10^-7М глицирризин кислотаси асосида олинган бирикмалар (2ГК:СК, (ГК)₂Cu, Zn(ГК)₂) билан ишловланди ва барглардаги фотосинтез пигментлари миқдори ўрганилди (1-жадвал).