2 соат Талабалар сони

Эмиссия фаолияти – қимматли қоғозлар (акциялар ва облигациялар) чиқариш йўли билан бошқа корхоналар ва шахслар маблағларини жалб этиш билан боғлиқ фаолиятдир.


ХЎЖАЛИК ФАОЛИЯТИНИНГ НАТИЖАЛАРИ

Корхона ва ташкилотларнинг хўжалик фаолиятининг натижалари бўлиб улар олган фойда ёки кўрган зарарлари ҳисобланади.

Фойда(Ф) – бу корхонанинг даромадлари ( Д) ва харажатлари(Х) ўртасидаги ижобий фарқ, яъни
Ф = Д > Х.
Зарар – бу корхонанинг даромадлари ва харажатлари ўртасидаги салбий фарқ, бошқачасига харажатларни даромаддан кўп бўлиши, яъни:
З = Д < Х
Даромадлар - бу активларни келиб тушиши ёки кўпайиши ёхуд мажбуриятларни камайиши шаклида вужудга келадиган ва пировард натижасида хусусий капитални оширадиган иқтисодий нафларни кўпайишидир, фақатгина бундан акциядор капиталга таъсисчилар томонидан тўланадиган бадаллар мустаснодир.
Харажатлар - бу активларни сарфланиши ёки емирилиши ёхуд мажбуриятларни кўпайиши шаклида вужудга келадиган ва пировард натижасида хусусий капитални камайтирадиган иқтисодий иафларни камайишидир, фақатгина акциядор капитални таъсисчилар орасида тақсимланиши бундан мустаснодир
Фойда - бу хўжалик субъектига таъсир этадиган асосий ва асосий бўлмаган фаолият, ҳодисалар, шароитлар натижасида капитални кўпайишидир, фақатгина хусусий капиталга тўланадиган капитал бундан мустаснодир. Фойдани ўлчаш билан бевосита боғлиқ элементлар - бу даромадлар ва харажатлардир.
Демак, қанчалик даромад кўп бўлиб, харажат кам бўлса, корхонанинг фойдаси шунчалик кўп бўлади. Аксинча, корхона даромадга қанчалик кўп харажат билан эришса, унинг зарари шунчалик кўп бўлади.
Хўжалик фаолиятини узлуксиз юритилиши ва ривожланиши бевосита корхоналарни турли манбалар эвазига шаклланадиган маблағлар билан таъминланганлигига боғлиқ. Хўжалик маблағлари ва уларнинг манбаларининг таснифи ва тавсифи тўғрисида кейинги маърузада батафсил тўхталамиз.
Мавзу бўйича таянч сўзлар ва иборалар