2. Нодавлат нотижорат ташкилотларининг функциялари. Нодавлат ва жамоат бирлашмаларининг Ўзбекистонда демократик жамият барпо этишдаги аҳамияти

4. Ўзбекистон Фидокорлар миллий демократик партияси – 1998 йил 28 декабрда ташкил топган. 2004 йил 14 апрелида Ўзбекистон Фидокорлар миллий демократик партиясига “Ватан тараққиёти” (1992 йил 24 майда тузилган) қўшилди. Партия аъзолари 80 минг дан зиёд. Шундан 43% ёшлар, 40,7% ни хотин-қизлар ташкил этади. Шиори: “Миллатимиз дардига дармон бўлайлик”. Партия электоратининг кўпчилигини ёшлар ташкил қилади. Мақсади: “Кучли давлатдан кучли фуқаролик жамият сари” бориш, эркин бозор иқтисодиётига асосланган очиқ, демократик ҳуқуқий давлат қуриш. Миллий, умуминсоний қадриятларга асосланган адолатли фуқаролик негизларини барпо этиш, эл-юрт турмуш даражасини тараққий топган халқлар ва давлатлар даражасига кўтариш, мамлакатимизнинг жаҳон ҳамжамияти орасида муносиб ўрин олишга амалий ҳисса қўшишдан иборат (“Жамият”, 20.04.2007 йил).
Партия ҳокимиятга эришиш учун Президент, Парламент, Маҳаллий давлат ҳокимияти, Ўзини-ўзи бошқариш идораларига Ўтказилган сайловларда қатнашиб келмоқда. 1999-2004 йилларда Парламентда 52 депутати сайланган бўлса, ҳозирги даврда (2004-2010) Олий Мажлис Қонунчилик палатасида 18 депутати (21,6%) мавжуд.
2000 йил 9 январда Президент сайловига И.Каримов номзодини ана шу партия кўрсатган эди ҳамда ғолиб бўлди. 2007 йил 23 декабрдаги Президент сайловига А.Турсунов номзоди кўрсатилди. Лекин умумий сайловда қатнашадиган фуқароларнинг 5 фоиз имзосини тўплолмаганлиги боисдан унинг номзодини Марказий сайлов комиссияси рўйхатга олмади.
ФМДПнинг асосий мақсади: фуқаролар фаоллигини ошириш ва мустақиллик мафкурасини шакллантириш. Ёки ФМДП 3 усутувор масалани ечишни мақсад қилиб қўйган:
Эркин бозор иқтисодиётига суянган очиқ, демократик давлат қуриш ва фуқаролик жамияти асосларини барпо этиш.
Эл-юрт ҳаёт даражасини тараққий топган давлатлар ва халқлар даражасига кўтариш.
Жаҳон ҳамжамиятида давлатимиз ва жамиятимизнинг ўзига хос муносиб ўрнини эгаллашига кўмаклашиш.
Шунингдек, демократик жамият тараққиётини жадаллаштириш, зиёлилар, тадбиркорлар ва деҳқонлар манфаатини ҳимоя қилиш, хусусий мулкчиликни муҳофаза қилиш ва ривожлантириш. Ўз фаолиятида ҳамиша амалий тажриба ва соғлом ақл-идрокка таяниб иш кўриш.
ФМДПнинг матбуот органи: “Fidokor” газетаси. Мамлакатимизда демократик давлат ва фуқаролик жамиятини барпо этишда фаол тарғибот ишларини юритиб келмоқда.