2. Меҳнат муҳофазаси ходимлар учун xавфсиз ва соғлом меҳнат шароитлари яратиш, ишлаб чиқариш участкаларида теxникавий, санитария-гигиена шароитларини таъминлаш

3. Ёнғин ўчириш воситалари: бирламчи, стационар ва ҳаракатланувчи турларига бўлинади.
Бирламчи ёнгин ўчириш воситаларига ўт ўчиргичлар (огнетушитель), гидропомпалар, (катта бўлмаган поршенли насос), пақир, сув бочкаси билан, белкурак, қум яшиги билан, асбест мато, кигиз, лом, арра, болталар киради.
Стационар ёнғинга қарши воситалари бу ҳаракатланмайдиган ўрнатилган қурилмалар бўлиб, ёнғин чиққан қувур, дастгоҳ ва бошқа объектларга ёнғин ўчирувчи воситаларни етказиб бериш учун қўлланилади. Буларга ёнғинга қарши сув таъминоти, спринклер ва дренчер қурилмалари, ёнғин алоқа ва сигнализация қурилмалари киради.
Ҳаракатланувчи ёнғинга қарши воситалар — ўт ўчирувчи машиналар асосий ва махсус турларига бўлинади. Асосий машиналар, ёнғин чиққан жойга сув бериш учун насосига ёки бошқа ёнғинни ўчириш моддаларига эга бўлган машиналардир. Махсус – насосга эга бўлмаган, ёнғинни ўчириш билан боғлиқ бошқа ишларни бажариш учун мўлжалланган машиналардир. Ёнғинни ўчирувчи асосий машиналар - ёнғин ўчириш автомобиллари, автоцистерналар, автонасослар, мотопомпалар, ёнғин ўчириш поездлари, теплоходлар, танклар, самолётлар ва бошқалар. Махсус машиналарга алоқа ва ёритиш хизмати автомобиллари, автозиналар ва бошқалар.

Билет № 9
2. Моддалар ва материалларни сақлаш (жойлаштириш) уларнинг агрегат ҳолати, сақлаш мувофиқлиги, шунингдек, ўчирувчи моддаларнинг бир хиллигини ҳисобга олган ҳолда ушбу Қоидаларга мувофиқ амалга оширилади. Объектларда номаълум таркибли, портловчи ва ёниш хавфи бўйича хусусиятлари ўрганилмаган моддалар ва материаллардан фойдаланиш ва сақлаш тақиқланади.
Ҳаво, сув, ёнувчан моддалар билан тасирлашганда ўз-ўзидан ёниб кетиши ёки портловчи аралашмалар (кальций карбиди ва бошқа карбидлар, ишқорий металллар, натрий гидриди, барий пероксиди ва бошқалар) ҳосил қилиши мумкин бўлган кимёвий реактивлар бундай тасирланишни бутунлай истисно қиладиган, шунингдек, юқори ҳарорат ва механик таъсирлардан холи махсус шароитларда сақланиши керак.
Маҳсулотларни омборларда сақлаш унинг ҳолатини назорат қилиш учун эркин кириш имкони яратилган ҳолда амалга оширилиши керак. Ўтиш жойлари ва сақлаш жойлари полда аниқ кўринадиган чегара чизиқлари билан белгиланиши керак. Стеллажлар (штабеллар, сақлаш жойлари) орасидаги ўтиш йўллари бўш бўлиши керак. Стеллажлар (штабеллар, сақлаш жойлари) орасидаги кенглиги камида 1 m бўлган йўлаклар, майдони 300 m² дан ортиқ бўлган омборхоналарда эса девор билан штабеллар (стеллаж) ўртасида қўшимча равишда 0,8 m йўлаклар қолдирилиши лозим.
Чироқлардан сақланадиган товарларгача бўлган масофа 0,5 m дан кам бўлмаслиги керак.
Омборхона бинолари ва хоналарида моддалар ва материалларни жойлаштириш режаси осиб қўйилиши керак. Ушбу режаларда моддалар ва материалларнинг сақлаш жойлари, шунингдек, уларнинг физик ва кимёвий хусусиятлари акс эттирилиши лозим.
Портлаб ёниш ва ёнғин хавфи бўлган моддалар ва маҳсулотларни ишлаб чиқариш хоналарида (агар бу ишлаб чиқариш учун зарур бўлса), бир смена эҳтиёжларидан ортиқ бўлмаган миқдорда сақлашга рухсат этилади. Бунда улар махсус ажратилган жойларда, маҳкам беркитиладиган ёнмайдиган шкаф ёки қутиларда сақлаш шарт.
Контейнерларни очиш, созлигини текшириш ҳамда кичик таъмирлаш ишлари, маҳсулотларни қадоқлаш, ёнғинга хавфли суюқликларнинг (нитро бўёқлар, лок ва бошқа ёнувчи суюқликларнинг) аралашмаларини тайёрлаш билан боғлиқ барча ишлар сақлаш жойларидан ажратилган (изоляцияланган) хоналарда амалга оширилиши керак.