2-Маvzu;Аndijon va Farg’ona viloyatining dehqonchilik tizimi режа фарғона водийсини тупроқ иқлим шароитлари

Озиқлантириш

• 1 тонна пахта ҳосили учун ўрта толали ғўза навлари ўртача 55-60 кг азот, 20-25 кг фосфор ва 50-60 кг калийни тупроқдан олади. Тупроқ шароитини ҳисобга олинган ҳолда ҳар гектаридан белгиланган пахта ҳосилини етиштириш учун минерал ўғитларнинг қуйидаги миқдори тавсия этилади: 20-25 ц пахта ҳосили етиштириш учун соф ҳолда N-150, P-105, K-75 кг, 25-30 ц пахта ҳосили учун N-200, P-140, K-100 кг, 30-35 ц учун N-250, P-175, K-125 кг, 35-40 ц учун N-300, P-210, K-150 кг бўлса, тупроғи шўрланган ерларда азотли ўғит меъёри 10-15 фоиз оширилади, фосфор билан калийли ўғитлар агрохимкартограммалар асосида берилади.
• Ғўзани озиқлантиришда ўртапишар С-6524, Султон, Ўнқўрғон-1, Андижон-37 ва эртапишар Андижон-35, Андижон-36 навларининг биологик хусусиятига аҳамият бериш керак. Бунда фосфорли ўғитларни 60-70%и шудгор остига ва қолган қисмини гуллашда берилса, калий ўғити шудгор остига 50% ва шоналашда 50 % солинади. Азотли ўғитлар экиш билан 10%, 3-4 чинбарг чиқарганда 20-25%, шонлашда 35-40% ва гуллаш даврида 30% қўлланилади.

Ғўзани суғориш

• Плёнка остига чигит экиб ўстирилаётган майдонларда сизот суви чуқур жойлашган тупроқларда биринчи суғориш ўсимликлар гуллай бошлаганда 700-900 м3/га, ер ости сувлари яқин жойлашган тупроқларда 700-800 м3/га ни ташкил этиши керак. Кейинги суғоришлар ғўзанинг биологик ҳолатига, сувга бўлган талабига, ҳаво ҳароратига ва тупроқдаги намликка қараб ўтказилади. Ғўзани суғориш 4-5 марта, ҳар бир суғоришда сарфланадиган сув миқдори гектарига 700-900 м3 дан ошмаслиги керак.
• Ғўза очиқ ерда парваришланганда суғориш усулига ва ер ости сувлари сатҳига қараб 4-7 марта 0(1)-3-0; 1-3 (4)-1; 1-4-0; 2-4-1 тартибларда ўтказилиб, ер ости сувлари чуқур жойлашган ерларда ғўзани гулга киргунча суғориш меъёри 600-700 м3, ўрта ва оғир тупроқларда 700-800 м3, ғўзани гуллаш ва ҳосил тугиш даврларида 800-1000 м3, ер ости сувлари сатҳи 2-3 м ва 0,5-2,0 метргача бўлган тупроқларда сув миқдори 10-15% камайтирилиши лозим.