2 mavzu. Riniyatoifa (Rhyniophyta) o’simliklar bo’limi. Reja

Psilofitnomalar (Psilophytales) qabilasi. Qabilaga bitta psilofitdosh (Psilophytaceae) lar oilasi kirgan. Bularda o’q poya (kauloid) yaxshi taraqqiy etgan (2-rasm). Oila turkumlaridan bittasi psilofit bo’lib, unga kiruvchi turlarning qoldiqlari devon davrining boshlaridan ma’lum bo’lgan va ular G’arbiy Yevropa, Ural, G’arbiy Sibir, Sharqiy Qozog’iston, Xitoy va Shimoliy Amerikadan topilgan.
Psilofitlar ham botqoqliklarda o’sgan. Ularning bo’yi riniyalardan bir necha bor balandroq bo’lgan. Poyasining yo’g’onligi 5 mm gacha bo’lgan. Riniyafitlarni o’rganish telom nazariyasining yaratilishida muhim rol o’ynagan. Riniyatoifa bo’limiga mansub turlar bilan yo’sintoifa, plauntoifa, qirqbo’g’imtoifa va qirqquloqtoifa bo’limlari o’rtasidagi bog’lanishga oid materiallar taboro ortib bormoqda, shu munosabat bilan riniyatoifa bo’limiga kiruvchi o’simliklarga undan keyingi bo’limlarga mansub bo’limlarning eng sodda tuzilishga ega bo’lgan avlod-ajdodlari deb qarash mumkin.