2-мавзу: Операцион тизим тарихи ва унинг функциялари. Компьютер конфигурацияси

Ҳимоя механизмини амалга ошириш. Дастурлар мустақил равишда ресурсларни тақсимлаш имконига эга бўлиши керак эмас, бу имтиёзли ва имтиёзсиз буйруқларни келтириб чиқаради. Имтиёзли буйруқлар ОТ томонидан бажарилади;

Узилишларнинг мавжудилиги. Ташқи узилишлар ОТ ни асинхрон ҳодиса, м-н кириш-чиқиш операцияси тугалланганлиги ҳақида огоҳлантиради. Ички узилиш, ОТ аралашуви зарур бўлганда юз беради, м-н ҳимояни бузишга ҳаракат ёки нолга бўлиш;

Архитектурада параллелизмни ривожлантириш. Хотирага бевосита мурожаат ва кириш-чиқиш каналини ташкил этиш, марказий процессорни қийин операцияларни бажаришдан халос этади.

Албатта, мультидастурлашни ташкил этишда ОТ роли жуда муҳимдир. У қуйидаги операциялар учун жавоб беради:

• 
  Тизимли чақириқлар ёрдамида ОТ ва амалий дастурлар орасида интерфейсни ташкил этиш;
  
• 
  Хотирадаги топшириқлардан навбат ташкил этиш ва топшириқ учун процессор ажратиш мақсадида процессордан фойдаланишни режалаштириш;
  
• 
  Бир топшириқдан иккинчисига ўтиш, ҳисоблашларни тўғри ташкил этиш учун контекстни сақлаш;
  
• 
  Хотира чегараланган ресурс бўлгани учун, хотирани бошқариш стратегияси зарур, яъни хотирадан маълумотларни олиш, жойлаштириш ва алмаштириш жараёнларини тартибга солиш талаб қилинади;
  
• 
  Маълумотларни ташқи жамламаларда файл кўринишида сақлашни ва маълум файллардан фақат аниқ фойдаланувчилар фойдалана олишини ташкил этиш;
  
• 
  Дастурларга санкцияли маълумот алмашиш талаб этилгани учун, уларни коммуникация воситалари билан таъминлаш;
  
• 
  Маълумотларни тўғри тақсимлаш учун, зиддиятли ҳолатларни ечишга тўғри келади, бу кўпинча турли ресурслар билан ишлашда рўй беради, шунинг учун ҳаракатларни дастурлар билан синхронлаштириш.
  

Вақт ажратиш тизимларида фойдаланувчи, дастурни интерактив режимда созлаш имконига эга бўлди, бунда у маълумотни дискга перфокарта орқали эмас, бевосита клавиатурадан киритиш мумкин бўлди. On-line файлларининг юзага келиши ривожланган файл тизимларини ишлаб чиқиш заруриятини келтириб чиқарди.