2-Мавзу. Менежментнинг назарий асослари

2-Мавзу. Менежментнинг назарий асослари
Режа:

1. 
   Менежментнинг илмий ёндашувлари ва тамойиллари.
   
2. 
   Илмий бошкариш мактаби.
   
3. 
   Классик (анъанавий) мактаб.
   
4. 
   Инсоний муносабатлар мактаби.
   
5. 
   Ахлоқий ёндашув мактаби.
   
6. 
   Математик ёки микдорий ёндашув мактаби.
   
7. 
   Жараёнли, вазиятли ва тизимли ёндашувлар.
   

Бошқарув фикри ғоятда номунтазам ҳолда ривожланган.

Бир неча ёндашувлар мавжуд бўлиб, улар баъзида бир бирларига мос келганлар, баъзида эса бир бирларидан анча фарқланганлар.

Жамият, техника ривожлангани сари бошқарув бўйича мутахассислар ташкилот фаолиятига таъсир кўрсатувчи омиллар ҳақида била бошлаганлар.

Бундан ташқари, дунё илмий-техника тараққиѐт билан асосланган тез ўзгаришларнинг майдонига айланган ва кўп мамлакатларнинг ҳукуматлари бизнесга нисбатан ўз муносабатларини борган сари қатъийроқ белгилай бошлаганлар.

Бошқарув тизимида бешта мактаблар мавжуд:

• 
  илмий бошқарув,
  
• 
  маъмурий бошқарув,
  
• 
  инсоний муносабатлар,
  
• 
  аҳлоқий фанлар ёки бихевиористик мактаб,
  
• 
  бошқарув фани, ёки миқдорий усул.
  

Илмий бошқарув мактаби (1885-1920).
Бутун дунёда “Мактабни илмий ташкил қилиш” номи билан кенг машҳур бўлган бу мактабни вужудга келиши ва ривожланиши ХХ асрнинг бошларига тўғри келади.

Бу мактабнинг бошида америкалик мухандис-тадқиқотчи Ф.Тейлор (1850-1915) турган, у ўзининг кундалик ишида унумдорлик ва самарадорликни ошириш мақсадида ишлаб чиқариш ва меҳнатни фаоллаштириш муаммоларини ҳал қилган.

Унинг таълими менежмент замонавий концепциясининг асосий назарий мактаби бўлган.
Бу мактабнинг кўзга кўринган вакиллари: Л.Гилберт, Г. Эмерсон, А.Гастев (Россия)лардир.