2-mavzu. Marketing strategiyasi

2-mavzu. MARKETING STRATEGIYASI

Strategiya	Maqsadli xaridor
Taktika	Marketing strategiyasi auditi
Optimal marketing kompleksi	Marketing kompleksi
Bozor segmenti	Firma strategiyasi.
Konfrontatsiya	Bozor segmenti

2.1. Marketing strategiyasi

Zamonaviy, yuqori darajali raqobatli hozirgi bozorlarda kompaniya muvaffaqiyatlarga erishish uchun u ko`p diqqat-e'tiborni iste'molchilarga qaratishi lozim. Kompaniya ularni raqobatchilarga nisbatan ko`proq o`ziga jalb qilishi kerak.
Kompaniya iste'molchi ehtiyojini qondirishdan oldin u iste'molchilarning talab va xohishini chuqur tushunishi lozim.
Kompaniyaning asosiy maqsadi — iste'molchiga xizmat qilish, lekin kompaniya unga ta'sir qiluvchi juda ko`p omillar bo`lgan muhitda ish olib boradi.
Bozorning salohiyatini baholash uchun raqobatchilarning mahsulotlarini o`rganish, bu mahsulotlar joriy sotish hajmini aniklash va bozorga olib kirayotgan yana bitta mahsulotdan foyda oladimi, yo`qmi shuni o`rganish lozim.
Bozorning rivojlanish istiqboli ham juda muhim.
Kompaniyaning marketing ma'lumotlari bo`yicha mutaxassislari talabni oldindan baholashda maxsus usul lardan foydalanishlari mumkin.
Talabga nisbatan muvofiq, o`rinli baholash bilan, kompaniya bozorni egallashni bilib oladi.
Buning uchun esa marketing kompleksini ishlab chiqadi. U mahsulot, baho, sotish va mahsulot harakatini o`z ichiga oladi.
Optimal marketing kompleksi marketing ma'lumotlarining tahlili, marketingni rejalashtirish, marketing xizmati, tashkiloti va marketing tekshiruvi asosida ishlab chiqilishi mumkin.
Shu faoliyat yordamida kompaniya marketing muxitini kuzatadi va uning o`zgarishlariga moslashadi.
Marketing strategiyasi eng muhim tomonlaridan biri shundaki, u asosiy e'tiborini maqsadli xaridorlarga qaratadi.
Bozorni tanlab kompaniya uning segmentini yasaydi. Shu yo`l bilan unga xizmat qiluvchi va qiziqishlarini qondiradigan istiqbolli segmentga diqqatini qaratadi.
Bozorni segmentlash bozordagi aloxida har xil iste'molchi, xarakterli guruh iste'molchilarni parchalash jarayonidir. Albatga bu bilan bog`liq holda ma'lum mahsulot turi yoki uyg`otuvchi marketing motivi zarur bo`ladi.
Bozorning segmenti — bu shunday iste'molchi guruhini, ular ma'lum mahsulotga bir xil toifada bo`ladi.
Kompaniya bozorning segmentini o`rganib chiqqanidan so`ng, u shu bozorning bir yoki bir necha segmentiga chiqishi mumkin. Bozorning har bir segmentini o`ziga jalb qilishini baholash va bir yoki bir necha segmentni tanlash jarayoni bozorning maqsadli segmenti to`plami deb ataladi.
Shundan so`ng kompaniya o`zi egallamoqchi bo`lgan shu segmentlarning vazifalarini aniqlaydi. Mahsulotning vaziyati — bu iste'molchining fikricha, mahsulot turdosh mahsulotlarning ichida joylashganidir. Agar sotib oluvchi shu mahsulotlarni boshqa mahsulotlar orasidan ajratmasa, shu mahsulotni sotib oladi.
Kompaniya muvaffaqiyatiga erishish uchun, mahsulot sifatini yaxshilashga, iste'molchining qadriga va xizmat qilishga intilayotgan raqobatchilarga nisbatan iste'molchilarning iste'molini yaxshiroq qondirishi kerak.
Oxirgi paytlarda kompaniyalar iste'molchilar bilan uzoq muddatli aloqa o`rnatishga intilmoqdalar.
Bu maqsadlar bilan iste'molchilar haqida ma'lumotlar to`plamini tuzadilar va firmaga, markaga o`zini bag`ishlovchi usullarni ifoda etadilar. Kompaniya ertami-kechmi shunday xulosaga keladi, ya'ni xaridorlarini ushlab turishdan ko`ra ularni topish qimmatroq.
Bozorda yetakchilik qilishning shartlaridan biri shuki, kompaniya bozorda yuqori sifatli mahsulot va xizmat ko`rsatishi lozim. Xaridorning ehtiyojini qondirishdan tashqari afzalliklarni ham hisobga olishi kerak!