2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

52. Чидамлилик сифати – кишининг ўз ҳаракатини юқори даражада, самарасини сусайтирмаган тарзда узоқ вақт бажара олиш қобилиятини англатади.
Чидамлилик сифати умумий ва махсус чидамлиликка фарқ қилиб, киши организмининг физиологик имкониятларига боғлиқ бўлади.
Чидамлилик сифати жадал ҳаракатлар, тўсиқларни енгиб ўтиш, сузиш, спорт ўйинлари ва серҳаракат ўйинлар воситасида тарбияланади.
4- машқ. 1 километрга югуриш машқи.
Ушбу машқ ҳар қандай табиий жойда, умумий старт олган тарзда бажарилади. Старт олиш ва финиш марралари бир жойда ёки алоҳида жиҳозланади.
5- машқ. 3 километрга югуриш машқи.
Ушбу машқ ҳар қандай табиий жойда, умумий старт олган тарзда бажарилади. Старт олиш ва финиш марралари айнан бир жойда ёки алоҳида жиҳозланади. Югуриш давомида машқ иштирокчилари бир-бирига халал бермаслиги лозим. Югуриш амалидан юриш амалига ўтган ёки дистанциядан четга чиққан иштирокчи машқни бажара олмади, деб эътироф этилади.
6- машқ. 3 километрга анжом-аслаҳа (қурол) билан югуриш машқи.
3 километрга анжом-аслаҳа (қурол) билан югуриш машқи ҳарбий кийим кийган, автомат билан қуролланган, бел камарига иккита ўқдон жойланган патронлар қопчиғи тақилган, елкага газниқоб ташлаб олинган ҳолатда бажарилади.
Югуриш давомида иштирокчилар бир-бирига халал бермаслиги лозим. Югуриш амалидан юриш амалига ўтган ёки дистанциядан четга чиққан иштирокчи машқни бажара олмади, деб эътироф этилади. Қурол ва анжом-аслаҳаларни бошқа иштирокчига бериш ман этилади.
Югуриш иштирокчиси финиш чизиғининг ғойибона вертикал юзасига гавдаси билан теккан фурсатда югуриш амали охирига етказилди, деб эътироф этилади.
7- машқ. 5 километрли кросс.
5 километрли кросс нотекис жойларда умумий старт олган тарзда амалга оширилади. Старт олиш ва финиш марралари айнан бир жойда ёки алоҳида жиҳозланади.
53. Кучлилик сифати – кишининг мушаклар кучи билан ташқи қаршиликни енгиш ёки унга қаршилик кўрсата олиш қобилиятини англатади.
Кучлилик сифатининг ривожлантирилиши оғир юк ва куч талаб этиладиган амаллар воситасида мушакларнинг зўриқиш даражаси ошишига омил бўладиган жисмоний машқлар бажарилишини тақозо этади. Шу мақсадда оғир юк кўтариш, уни ташиш, гимнастика снарядлари ва тренажёрларда куч ишлатиш талаб этиладиган машқлар бажариш, ўз вазни билан боғлиқ машқларни бажариш каби жисмоний машқлар қўлланилади.