2-мавзу ИҚтисодиётда инновацион фаолиятнинг ўзига хос хусусиятлари

2.2-расм. Инновацион фаолиятнинг энг муҳим амалий вазифалари.

Корхонада рўй бераётган инновацион жараёнларнинг самарадорлиги, инновациявий стратегияни шакллантиришда қўлланиладиган усул ва услублар, инновациявий маҳсулот категорияси, ишлаб чиқилаётган инновация турлари, илмий-тадқиқот ишлари натижаларининг ишлаб чиқаришга жалб этиш ва уни қўлланилишига боғлиқ бўлади. Улар орасида энг муҳим элементлар бўлиб қуйидагилар саналади:

• 
  инновациявий характердаги эчимларни ишлаб чиқиш ва амалгаоширишнинг самарали стратегиялари;
  

- муайян ташкилий тузилмада бундай стратегияни амалга ошириш жараёнини бошқарув механизми.
Инновацион фаолият назарияси ва инновацион стратегияни услубий жиҳатларини ўрганиш даври ўтган аср бошларига тўғри келди ва кўпгина йирик олимлар томонидан амалга оширилди.
Ҳозирги кунда илмий-техник тараққиёт ва бозор эҳтиёжлари, маҳсулот номенклатураси ва сифатига янги талабларни шакллантирган ҳолда талаб ва таклиф конъюктурасидаги ўзгаришларга олиб келмоқда.
Инновацион фаолиятни асосий қоида ва категорияларини ўрганиш учун «инновация» тушунчасининг иқтисодий мазмуни ва моҳиятини тўлиқ ўрганишимиз лозим. Иқтисодий адабиётларда “инновация (ингл. иноватион) потенсиал илмий-техник тараққётни (ИТТ) янги маҳсулот ва технологиялар кўринишида реал тараққиётга айланиши” деб таърифланади.
Бозор иқтисодиётида инновацияларни тизимли тақдим этиш услубиёти халқаро стандартларга асосланган ва унга мувофиқ инновация деганда бозорга кириб келган янги ёки такомиллаштирилган маҳсулот, амалиётда қўлланилаётган янги ёки такомиллаштирилган технологик жараён ёки ижтимоий хизматларга бўлган янгича ёндашув кўринишидаги инновациявий фаолият натижалари тушунилади.
Ушбу муаммо бўйича кўп сонли тадқиқотлар амалга оширилган бўлишига қарамасдан, бугунги кунда инновацион фаолият соҳасида ягона, умумий тарзда қабул қилинган терминология мавжуд эмас. Шунинг учун ҳам шу соҳадаги илмий адабиётларни қисқача таҳлилини келтириш ва инновацион фаолият соҳасидаги асосий тушунчаларни аниқлаштириш мақсадга мувофиқ бўлади.

3.