2-mavzu. Davlat xaridlari jarayoniga doir umumiy talablar Reja

Insofsiz ijrochilarning yagona reyestri 
Insofsiz ijrochilarning yagona reyestri vakolatli organ tomonidan 
shakllantiriladigan ro‘yxatdan iborat bo‘lib, unga quyidagi ma’lumotlar kiritiladi: 
xarid qilish tartib-taomillari yakunlari bo‘yicha belgilangan shartlar asosida 
davlat buyurtmachisi bilan shartnoma tuzishni va davlat xaridlarini amalga 
oshirishni rad etgan yoki boshqacha usulda bo‘yin tovlagan xarid qilish tartib-
taomillari g‘oliblari to‘g‘risidagi; 
majburiyatlarni bajarmaganlikda yoxud tegishli tarzda bajarmaganlikda 
belgilangan tartibda aybdor deb topilgan ijrochilar haqidagi, bundan majburiyatlar 
bartaraf etib bo‘lmaydigan kuchlar oqibatida bajarilmagan yoki tegishli tarzda 
bajarilmagan hollar mustasno; 

---

davlat xaridlari jarayonida yolg‘on yoki soxta hujjatlarni taqdim etgan, ayni 
bitta lotda ishtirok etgan affillangan shaxslar yoki manfaatlar to‘qnashuvi to‘g‘risida 
ma’lumotlarni ochib bermagan ishtirokchilar to‘g‘risidagi; 
sudning qaroriga ko‘ra firibgarlik, soxtalashtirish va korrupsiya bilan bog‘liq 
jinoyatlarni sodir etganlikda aybdor deb topilgan ijrochilar to‘g‘risidagi. 
Insofsiz ijrochilarning yagona reyestriga kiritilgan ijrochining ikki yil 
davomida davlat xaridlarida ishtirok etishi mumkin emas, bu muddat tugaganidan 
keyin ijrochi Insofsiz ijrochilarning yagona reyestridan chiqarilgan hisoblanadi. 
Ijrochilar Insofsiz ijrochilarning yagona reyestriga kiritish to‘g‘risidagi qaror 
ustidan sud tartibida shikoyat qilishga haqli. 
Insofsiz ijrochilarning yagona reyestrini shakllantirish tartibi vakolatli organ 
tomonidan tasdiqlanadi. 
Xulosa qilib aytganda, «Davlat xaridlari to‘g‘risida»gi Qonunning 4-bobidagi 
Davlat xaridlari jarayoniga doir umumiy talablari ayni paytda kuzatilayotgan 
samaralar salmog‘ini yanada oshirishda, davlat xaridlari amaliyotini bundan ham 
kengaytirishda, shuningdek, davlat xaridi tizimining barcha qirralarini o‘zida 
qamrab olgan qonunchilikni takomillashtirishda, asosiy yo‘nalishlarini 
aniqlashtirishda va shakllantirishda ayni muddao bo‘ldi. 

---

Document Outline

• Xulosa qilib aytganda, «Davlat xaridlari to‘g‘risida»gi Qonunning 4-bobidagi Davlat xaridlari jarayoniga doir umumiy talablari ayni paytda kuzatilayotgan samaralar salmog‘ini yanada oshirishda, davlat xaridlari amaliyotini bundan ham kengaytirishda, ...