2-mavzu bo‘yicha topshiriqlar 1-topshiriq

2-mavzu bo‘yicha topshiriqlar

1-topshiriq.Quyidagi baytlarni izohlang.

So‘z guharig‘a erur oncha sharaf,

Kim bo‘la olmas anga gavhar sadaf.

To‘rt sadaf gavharining durji ul,

Yetti falak axtarining burji ul.

2-topshiriq.Aqliy hujum uchun savollar.

Dunyoda qancha til bor?

Til oilalari va guruhlarini bilasizmi?

Nima uchun qarindosh tillar deb ataymiz?

Til bilgan-ei biladi hikmatli so‘zini sharhlang?

Tilshunoslik sohasining buyuk vakillarini ayting?

“Tilga e’tibor-elga e’tibor” fikri kimga tegishli?

3-topshiriq.Quyidagi parchani yod oling

So‘z guharig‘a erur oncha sharaf,

Kim bo‘la olmas anga gavhar sadaf.

To‘rt sadaf gavharining durji ul,

Yetti falak axtarining burji ul.

So‘zdin etib o‘tqa azimat Xalil,

So‘z yukiga xomil o‘lub jabroil.

Tengriki, insonni qilib ganji roz,

So‘z bila hayvondin anga imtiyoz.

Donai dur so‘zni afsona bil,

So‘zni jahon bahrida durdona bil.

4-topshiriq. Quyida berilgan fikrlarning qaysilari to‘g‘ri?

A. Kaykovus yolg‘onga o‘xshagan rostdan, rostga o‘xshagan yolg‘on yaxshiligini, uning qabul bo‘lishini uqtiradi. Bu bilan u notiqni asosli gapirishga chaqiradi.

B. Kaykovus yolg‘onga o‘xshagan rostdan, rostga o‘xshagan yolg‘on yaxshiligini, uning qabul bo‘lishini uqtiradi. Bu bilan u notiqni kerakli o‘rinda yolg‘on gapirishga chaqiradi.

D.Kaykovusning fikricha, notiq tinglovchi uni eshitmaganida behuda zahmat chekkan bo‘ladi.

E. Kaykovusning fikricha, notiq noo‘rin gapirganida behuda zahmat chekkan bo‘ladi.

F. «Mahbub-ul qulub»da Navoiyning voizlarga eng birinchi talabi- haq so‘zni aytish

G. «Mahbub-ul qulub»da Navoiyning voizlarga eng birinchi talabi - nutqining tinglovchi uchun yangilik bo‘lishi.

H. Navoiyning fikricha, notiq xalq dardini gapirsa, voizning so‘ziga kirmagan kishi gunohkor bo‘ladi.

J. Navoiyning fikricha, notiq olim va aytganiga amal qiladigan kishi bo‘lsa voizning so‘ziga kirmagan kishi gunohkor bo‘ladi.