2-маъруза. Юкларнинг транспорт тавсифномаси ва таснифи

Юкларнинг транспорт тавсифномасини қисман ўзгариши ҳам ташиш жараёнининг бир ёки бир неча техник ёхуд технологик элементларини ўзгартириб юборишига сабаб бўлади. Масалан: цемент ёки минерал ўғитларни бевосита идишсиз уюб (насыпью) ташишдан идиш (қоп)ларда ташиш тизимига ўтилганда бошқа турдаги омборларга, ортиш-тушириш машиналарига, ҳаракатдаги составларга, ҳамда идишланган юкларни пакетлаш учун тегишли пакетлаш воситаларига ва ҳ.к. зарурият туғилди.

2.2. Юкларнинг таснифлаш.

2.2. Юкларнинг таснифлаш.

Ташиш жараёнида юкларни асрашни таъминловчи мақбул (оптимал) шарт-шароитларни аниқлаш, юк айланмасини режалаштириш ва ҳисобга олишни тўғри тартибга солиш, ортиш-тушириш фронтларини ва омборларини ҳамда ортиш-тушириш машина, механизм ва иншоотларини махсуслаштириш учун транспортда ташиладиган барча юклар таснифланади. Юкларни транспорт таснифининг илмий асосланган тизимини тузиш қуйдаги асосий қоидаларга риоя қилингандагина мумкин бўлади: таснифлаш аломатлари аниқ ифодаланганда; таснифлашни энг умумий аломатлардан бошлаб, токи энг тор аломатларга тадрижий ўтилганда; ҳар бир таснифлаш поғонасида фақат битта таснифлаш аломатларидан фойдаланилганда.

Юқоридаги асосий қоидаларга риоя қилган ҳолда, темир йўл транспортида юкларни тўрт турдаги таснифлаш мавжуд, булар қуйидагилардан иборат:

Юқоридаги асосий қоидаларга риоя қилган ҳолда, темир йўл транспортида юкларни тўрт турдаги таснифлаш мавжуд, булар қуйидагилардан иборат:

а) юкларни транспорт таснифи;

б) юкларни махсус ўзига хос хусусиятларига ва ташиш шарт-шароитларига боғлиқ бўлган таснифи;

в) юкларни сақлаш шарт-шароитларига ва услубларига боғлиқ бўлган таснифи;

г) ортиш-тушириш ишларини меъёрлаш ва ҳисобга олиш учун юкларни таснифлаш.

2.3. Юкларни транспорт таснифи.

2.3. Юкларни транспорт таснифи.

Юкларни транспорт таснифи уларни турига ва ташишга тақдим этиладиган ҳолатига, ўровнинг тоифасига, маҳсулотни асрашни таъминловчи ортиш-тушириш ва ташиш усулларига мувофиқ тузилган. Юкларни транспорт таснифида барча юклар уч гуруҳга: қуруқ юклар, қуйиладиган юклар ва ҳайвонот юкларига бирлашганлар (1.3-расм). Транспорт тавсифномасини ва ташиш шароитларини яқин ва ўхшашлигига мувофиқ ҳар бир гуруҳ ўз навбатида гуруҳчаларга бўлинадилар.