2-Ma`ruza. Elektron apparaturalarida, sxematexnikada qo’llaniladigan elementlarnining shartli grafik va harfiy belgilanishlari, o’qilishlari

Qurilmalarni ulash

Electronics Workbench da yettita qurilma mavjud, bular sxemada turli ta`sirlarini va taxlillarini xosil qiladi. Bu qurilmalar, asboblar panelida piktogrammalar ko`rinishida joylashgan. Qurilmani sxemaga ulash uchun sichqoncha yordamida qurilmani ish joyiga ko`chirishi kerak va qurilmani chiqishlarini o`rganilayotgan nuqtalarga ulash zarur. Ba`zi qurilmalarni yerga ulash ( zazemlenie) kerak, aks xolda ularni ko`rsatishlari xatolikka olib kelishi mumkin.

Qurilmani kengaytirilgan ko`rinishi oynada chiqariladi, u qurilmani kichraytirilgan holati ustiga olib borib, sichqonchani ikki marta bosish orqali yoki Circuit menyusini Zoom buyrug`ini bajarish orqali chiqarilishi mumkin. Bu oynani yopish uchun esa chap yuqoridagi menyuni bosganda paydo bo`ladigan Close buyrug`i orqali amalga oshirish mumkin. Bundan tashqari, AltQF4 kombinasiyasini ham ishlatish mumkin.


Komponentani zanjirga ulash

Sxema qurib bo`lingandan keyin unga qo`shimcha komponentalarni qo`yish mumkin. Buning uchun sichqoncha yordamida komponentani sxemani kerakli nuqtasiga olib boriladi va uni o`tkazgich ustiga olib borilib, sichqoncha tugmasi qo`yib yuboriladi.

EWB paketining eng asosiy ustunliklaridan biri bu qurilmaning har xil holatlardagi modelini va o`lchash uslublarini tadqiq qilishga imkon berishi hisoblanadi. Misol uchun sizni qiziqtirayotgan nuqtangizda kuchlanish va toklarni o`lchaydigan universal qurilma multimetr (ko`p hollarda tester deyishga ham o`rganib qolganmiz) yoki voltmetr va amperemetr, va nixoyat ossillograf yordamida bir vaqtning o`zida ularning shakllarini kuzatish mumkin.
SHunday qilib, EWB dasturiy paketini ishlatish jarayonida ba`zi bir ustunliklarni hisobga olish zarur, bu ustunliklar o`z navbatida real tadqiqot stendlarini kamchiliklarini bartaraf etadi.