2-Ma`ruza. Elektron apparaturalarida, sxematexnikada qo’llaniladigan elementlarnining shartli grafik va harfiy belgilanishlari, o’qilishlari

Sxema komponentalarini o`tkazgichlar bilan ulash

Komponentani o`tkazgich bilan ulash uchun sichqoncha ko`rsatkichini komponenta chiqishiga olib boriladi. Bunda komponenta chiqishida katta qora nuqta paydo bo`ladi. Sichqonchani chap tugmasini bosib, uni ko`rsatkichini uni ulanishi kerak bo`lgan komponenta chiqishiga olib boriladi va sichqoncha tugmasi qo`yib yuboriladi. Komponenta chiqishlari o`tkazgich bilan ulanadi. Electronics Workbench da barcha o`tkazgichlar qora rangda bo`ladi lekin uni rangini o`zgartirish mumkin. Buning uchun o`tkazgich ustidan ikki marta bosish kerak va rasmda keltirilgan oyna ochiladi va oynada sichqoncha bilan kerakli rang tanlanadi.

Komponentalar parametrlarini qiymatlarini o`rnatish

Komponentalar parametrlarini qiymatlarini o`rnatish komponenta xususiyatlari oynasidan amalga oshiriladi, bu oyna komponentaning sur`ati ustidan ikki marta bosish bilan yoki Circuite menyu Value buyrug`ini tanlash orqali amalga oshiriladi (bunda komponent tanlangan bo`lishi kerak). Dialog oynasida klaviatura va sichqoncha yordamida kerakli qiymatlarni kiritish kerak, keyin mos ravishda berilgan qiymatni qabul qilish yoki qaytarish uchun Accept yoki Cancel ni bosish kerak bo`ladi. Komponenta modelini tanlash Circuit menyusini Model buyrug`ini tanlash yoki komponenta ustiga ikki marta bosish bilan ochiladigan komponenta modelini tanlaydigan dialog oynasida bajariladi. Dialog oynada komponenta modelini tanlab uni parametrlarini qiymatlarini qayta tahlillash mumkin. Model parametrlari qiymatlarini tahlillash uchun Edit tugmasi bosiladi. Bunda model xususiyatlarini belgilovchi oyna ochiladi, bu oynada sichqoncha va klaviatura yordamida parametrlar qiymatlarini o`zgartirish mumkin. Kiritilgan parametr qiymatlarini Accept tugmasini bosish bilan saqlab qo`yish mumkin. Bundan so`ng oldingi oynaga qaytish amalga oshiriladi.

Sxema qurilgandan keyin xar bir komponentaga pozision belgi yoki oddiy nom berish mumkin. Bunda komponenta oldindan tanlanadi va Circuit menyusidagi Label buyrug`i orqali yoki CtrlQL ni bosish orqali amalga oshirish mumkin. Bundan keyin dialog oyna ochiladi va bu oynada komponent belgisi yoki nomi kiritilishi kerak va Enter tugmasi bosilishi kerak.