2-Lektsiya. Mineral hám organikalíq tóginler haqqínda túsinik. Tóginlerdi qollaw usíllari hám ekologiyasi. Tóginler haqqínda túsinik. Azotli tóginler

2-Lektsiya. Mineral hám organikalíq tóginler haqqínda túsinik. Tóginlerdi qollaw usíllari hám ekologiyasi. Tóginler haqqínda túsinik. Azotli tóginler.
Reje

1. 
   Azotli tóginlerdiń turleri hám aliniwi
   
2. 
   Ammoniyli hám ammiaklı tóginler
   
3. 
   Ammoniyli-nitratlı tóginler hám amidli tóginler
   
4. 
   Organikalıq jergilikli tóginlerdiń turleri
   
5. 
   Dárisler shiriw dárejesine qaray bóliniwi
   

Azot ósimliklerge kerekli tiykarǵı elementlerdiń biri. Ol kletka tsitoplazmasınıń negizgi bólimi bolǵan ápiwayı hám quramalı beloklar quramına, nuklein kislotaları, xlorofill, fosfotidler, alkoloidlar, fermentler, vitaminler hám basqada organik birikpeler quramına kiredi. Ósimliklerge kerekli azottıń tiykarǵı deregi azot kislotasınıń duzları hám ammoniy duzları.

Ósimlikler azottı topıraq eritpesindegi NO₃ anionı hám eritpede hám PPKda bolǵan NH₄ kationı turinde sińdiredi. Ósimlikke ótken mineral formadaǵı azot bir qansha quramalı qubılıslar nátiyjesinde organik birikpeler quramına (aminokislotalar, amidler, beloklar) kiredi. Nitrat azotı aminokislotalar sintezinde tikkeley qatnaspaydı. Ósimlikke sińgen nitratlar amiakka shekem qaytarıladı.