2. Janubiy Amerika materigining iqlimi

Subtropik mintaqa. Materikning 30° va 40° j.k. lar oralig‘i subtropik iklim
mintaqasiga qaraydi. Bu mintaqaning iklimi yozda tropik havo massalari ta’sirida
va qishda mo‘’tadil havo massalari ta’sirida tarkib topadi. Subtropik mintaqada
ham tropik mintaqadagiga o‘xshash ichki iklim tafovutlari mavjud bo‘lib, ular
sharkdan g‘arbga qarab namoyon bo‘ladi.

Materikning janubi-sharqiy kismi, Urugvay hududi, Braziliya yassi

tog‘ligining janubiy chekka qismi, Parana va Urugvay daryo oralig‘i, Pampaning
sharqiy kismi yil davomida bir me’yorda sernam bo‘lib turadigan nam subtropik
iqlim oblastiga qaraydi. O‘rtacha yillik yog‘in mikdori 1000-2000 mm ni tashkil
etadi. Yozi issiq, kishi yumshoq bo‘ladi, qish oyining o‘rtacha harorati +10°S
atrofida. Janubdan sovuq havo massalari kirib kelganda havo harorati 0°S dan ham
pasayadi.

Subtropik mintaqada materik ichkarisiga kirib borgan sari (Pampaning g‘arbiy

qismi) kontinentallik orta boradi, yog‘in faqat yozda yog‘adi. Atlantika okeanidan
nam havo massalari kam yetib kelganligi tufayli yillik yog‘in miqdori 500 mm dan
oshmaydi. Havo harorati nam subtropik iqlim oblastiga o‘xshash. Materikning eng
g‘arbiy qismida, Tinch okean sohilining 30°va 37° j.k. lari oralig‘ida o‘rta
dengizbo‘yi tipidagi qishi yumshoq, sernam va yozi quruq subtropik iklim tarkib
topgan.