2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

МОДУЛЛИ ЎҚИТИШ – ПРОФЕССИОНАЛ ТАЪЛИМ СИФАТИНИ ТАЪМИНЛАШНИНГ 
САМАРАЛИ ВОСИТАСИ 
Шасалимов Жамалхан Шасидикович
- Педагогик инновациялар, касб-ҳунар таълими 
бошқарув ҳамда педагог кадрларни қайта тайёрлаш ва уларнинг малакасини ошириш институти, 
кафедра мудири.
 
Аннотация: Мақолада республика профессионал таълим муассасаларининг касбга тайёрлов 
йўналишлари, ўқув режаларини таркибий таҳлили амалга оширилган. Касб-ҳунар мактаблари 
мисолида таълим жараёнига модулли технологияларни жорий этиш масалалари баён қилинган.
 
Калит сўзлар: профессионал таълим, ўқув режа, квалификация, модулли ўқитиш, таълим 
натижалари.
 
МОДУЛЬНОЕ ОБУЧЕНИЕ - ЭФФЕКТИВНОЕ СРЕДСТВО ОБЕСПЕ-ЧЕНИЯ КАЧЕСТВА 
ПРОФЕССИОНАЛЬНОГО ОБРАЗОВАНИЯ 
Аннотация: В статье осуществлен структурный анализ направлений подготовки 
специалистов, а также учебных планов профессиональных образовательных учреждений республики. 

---

372 
На примера профессиональных школ рассмотрены вопросы применения модульных технологий 
обучения в образовательный процесс. 
 
Ключевы слова: профессиональное образование, учебный план, квалификация, модульное 
обучение, результаты образования.
 
MODULAR TRAINING IS AN EFFECTIVE MEANS OF ENSURING THE QUALITY OF 
PROFESSIONAL EDUCATION 
Annotation:The article provides a structural analysis of the areas of training of specialists, as well as 
the curricula of professional educational institutions of the Republic. On the example of professional schools, 
the issues of using modular learning technologies in the educational process are considered.
 
Keywords: professional education, curriculum, qualification, modular training, educational results.
 
Ўзбекистонда сўнгги йилларда таълим соҳасида, жумладан профессионал таълим тизимида 
туб ўзгаришлар рўй бермоқда. Ўзбекистон Республикаси Президенти ҳамда Вазирлар 
Маҳкамасининг қатор қарорлари [1,2] билан мазкур соҳаларда асосий йўналишлар белгилаб берилди.
 
2020/2021-ўқув йилидан янги – бошланғич, ўрта ва ўрта махсус профессионал таълим ҳамда 
Ҳалқаро таълим таснифига мос дифференциаллашган таълим дастурлари жорий этилди.
 
Республиканинг барча худудларида касб-ҳунар мактаблари (КХМ) (жами 339 та), коллежлар 
(200 та) ва техникумлар (186 та) тармоғи ташкил этилиб, уларда бошланғич, ўрта ва ўрта махсус 
профессионал таълим дастурлари бўйича кадрлар тайёрлаш амалга оширилади. Уларда аҳолини 
меҳнат бозорида эҳтиёж катта бўлган касблар бўйича қисқа муддатда профессионал тайёрлаш ва 
қайта тайёрлаш ҳам кўзда тутилган.
 
Маълумки, меҳнат бозоридаги эҳтиёжлар, жумладан, кичик бизнес ва хусусий тадбиркорлик 
субъектлари учун рақобатбардош кадрларни профессионал таълим босқичларини жорий қилиш 
орқали тайёрлаш ҳамда турли ёшдаги шахсларнинг «Ҳаёт давомида таълим олиш» принципи асосида 
таълим олишга бўлган талабларини қондириш профессионал таълимнинг мақсади ҳисобланади [1].
 
Профессионал таълим соҳасида давлат сиёсати ҳам таълимнинг натижадорлигига эришишга 
қаратилган бўлиб, бунга эришиш учун эскича ёндашувлардан воз кечиб, кадрлар тайёрлаш жараёнига 
инновацион таълим технологияларини жадал суръатларда жорий этиш талаб этилади.
 
Профессионал таълим муассасасида кадрлар тайёрлаш сифати бир қатор омиллар, жумладан 
профессионал таълим дастурларига боғлиқ. Ушбу нуқтаи назардан профессионал таълим 
муассасаларининг ўқув режаларини таркибий таҳлил қиламиз.
 
Таъкидлаш жоизки, 2020/2021 ўқув йилидан таълим жараёнига жорий этилаётган 
профессионал таълим муассасаларининг ўқув режалари блок-модулли тамойил асосида тузилиб, 
мутахассис тайёрлаш сифатини оширишга хизмат қилади. Мазкур ўқув режалари асосида мутахассис 
тайёрлаш жараёни асосий жиҳатларини ўрганиш мақсадида амалдаги ўқув режалар таркибий 
қисмларини таҳлил қиламиз. 1-жадвалда таваккалига олинган 5та касбнинг ўқув режаларидаги 
асосий сонли параметрлар тўғрисидаги маълумотлар келтирилган.