2-амалий машғулот: Меҳнат муҳофазаси бўйича йўриқномаларни ишлаб чиқиш тартиби. Машғулотнинг мақсади

IV. Йўриқномаларни расмийлаштириш тартиби
35. Йўриқнома матни қисқа, аниқ ва ҳар хил талқинларга йўл қўймаслиги керак.
36. Ходимлар учун йўриқномаларда бирон бир норматив хужжатларга ҳаволалар бўлмаслиги лозим, ушбу корхонада ишлайдиган ходимлар учун бошқа йўриқномаларга ҳаволалар бундан мустасно.
Кўрсатилган норматив ҳужжатларнинг талаблари ходимлар учун йўриқномаларни ишлаб чиқарувчилар томонидан ҳисобга олиниши керак.
Зарур бўлганда, ушбу ҳужжатларнинг талаблари ходимлар учун йўриқномаларда матн ёки изоҳда кўрсатилиши лозим.
37. Йўриқномаларда келтирилган тушунчалар қабул қилинган республиканинг меҳнат ва меҳнатни муҳофаза қилиш қонунчилиги, “Меҳнат хавфсизлиги стандартлар тизими. Терминлар ва тушунчалар” ва бошқа Меҳнат хавфсизлиги стандартлар тизими стандартларига мос бўлиши лозим.
Кўрсатилган ҳужжатларда белгиланмаган тушунчаларни қўллашда йўриқномаларнинг матнида уларнинг таърифлари ва тушунтиришлари берилиши лозим.
38. Йўриқномаларда сўзлашув иборалари, шунингдек техницизм ва профессионализмлар қўлланмаслиги лозим.
39. Йўриқномаларнингш матнида талабларни тақиқловчи шаклида баён этишдан қочиш лозим, керак бўлганда нима сабабдан тақиқланганлиги ҳақида тушунтиришлар берилиши лозим.
40. Йўриқномаларда белгиланган талаблар ходимлар томонидан барчаси бир ҳир бажарилиши кераклиги сабали, йўриқномаларда талабларнинг алоҳида маъносини таъкидлайдиган сўзлар ишлатилмаслиги лозим (масалан, “қатъий”, “айнан”, “мажбурий”, “сўзсиз” ва бошқалар).
41. Кўргазмали бўлиши учун алоҳида талабларнинг маъноси расм, фотосуратлар, диаграммалар ёки чизмалар билан қўрстилиши мумкин.
42. Йўриқномаларнинг матнида сўзлар ҳарифли қисқартиришлар (аббревиатура) билан алмаштирилиши мумкин, қисқартиришлар матнда биринчи мартда ишлатилганда тўлиқ тушунтиришлар берилган шарти билан.
43. Агар ишнинг хавфсиз бажарилиши маълум бир меъёрлар билан белгиланган бўлса, унла улар йўриқномада кўрсатилиши керак (бўшлиқлар ҳажми, масофа ва бошқалар).
44. Йўриқномаларнинг ҳар бир бандида битта тугалланган норматив кўрсатма бўлиши керак.
45. Йўриқномалар ҳажми ва мазмунига қараб алоҳида бўлимлар ва кичик бандлардан иборат бўлиши мумкин:
бўлимлар рим рақамлари билан рақамланган бўлиши керак, барча бўлинмаларнинг кичик бандлари сонли рақамланиши араб рақамлари билан амалга оширилади;
матнга иловалар сонли рақамланиши доимий равишда номи билан белгиланади (1-сонли илова, 2-сонли илова ва бошқалар);
жадваллар ҳам сонли рақамланиши доимий равишда номи билан белгиланиши лозим (Жадвал 1, Жадвал 2 ва бошқалар).
46. Йриқномаларнинг сарлавҳа саҳифаси (титул варағи), биринчи ва оҳирги саҳифалари мазкур низомнинг 1, 2 ва 3-иловаларга мувофиқ расмийлаштирилиши лозим.