2 – Leksiya. Sherebe tazalaw bo’liminin’ teoriyaliq tiykarlari ha’m texnologiуаliq esaрlari

5. Tazalanbaǵan sherebeni tazalaw processin avtomat tárizde táritiplestiriwdiń principiallıq tiykarları

Tazalanǵan sherebeniń júkleniw muǵdarı sherebe tazalaw bólimin avtomat tárizde tártiplestiriwdiń jetekshi parametiri bolıp xızmet etedi. Koncentraciyanı turaqlastırıw hám júktiń muǵdarına baylanıslı shóktiriwshi reaktivlerdiń kólemlik dozirovkası jáne temperaturalıq rejimdi uslap turıw arqalı sherebe tazalawdıń zárúr sapasına erisiledi.

Bul parametrler tómendegi tárizde tártiplestiriledi. Elektron tártipke salıwshı blok járdeminde jańa maǵlıwmat, máselen aralastırǵıshta tazalanbaǵan sherebeniń sarplanıwınıń, kóbeygen norması ornatıladı. Sarplanıw regulyatorı avtomat tárizde, sherebe sarplanıwınıń berilgen kórinisin ornatıp, tazalanbaǵan sherebe júriwshi trubaprovodtaǵı qaqpaǵın (zaslonka) ashadı. Sherebe sarplanıwınıń jańa muǵdarı avtomat tárizde tazalanbaǵan sherebe hám kaustifikaciyalanǵan eritpe qatnası regulyatorına beriledi. Regulyator kaustifikaciyalanǵan soda eritpesi júriwshi trubaprovodtaǵı drossellik zaslonkanıń halatın ózgertip, eritpe sarplanıw muǵdarınıń arttırılǵan normasın ornatadı. Bul jaǵdayda reaktordaǵı suyıqlıqtıń qáddi kóterile baslaydı. Reaktorda eritpeniń berilgen qáddin uslap turıw ushın, suyıqlıq qáddiniń regulyatorı, reaktordan sherebeni tındırǵıshqa alıp ketiwshi trubaprovodtaǵı drossellik zaslonkanıń ashılıwın avtomat tárizde asıradı. Bir waqıttıń ózinde oraydan qashpa nasoslar tındırǵıshtan tazalanǵan sherebeniń alıp ketiliwin arttıradı.

Kaustifikaciyalanǵan soda eritpesi sarplanıwınıń artıwı basım beriwshi aralasttırǵıshtaǵı kaustifikaciyalanǵan eritpe qáddiniń páseyiwine alıp keledi. Eritpe qáddiniń regulyatorı avtomat tárizde kaustifikator aralastırǵıshına kaustifikaciyalanǵan eritpe beriliwin kóbeytedi. Kaustifikatorda suyıqlıqtıń qáddi páseyip baslaydı. Onı uslap turıw ushın qáddi regulyatorı sodalı eritpe liniyasındaǵı drossellik zaslonkanı ashıńqıraydı. Soda eritpesiniń sarplanıw muǵdarınıń artıwı, reagentler qatnasınıń regulyatorı járdeminde hák súti truboprovodındaǵı zaslonkaǵa beriledi, sáykes túrde hák sútiniń sarplanıw muǵdarı kóteriledi.