2- kurs III semestr

Auskultatsiya mazmuni, ahamiyati, o’tkazish qoidasi va turlari.
Eshitib ko’rish - (auskultatsiya). Bevosita va bilvosita auskultatsiya qilinadi: stetoskop, fonendoskopdan foydalanilsa- bevosita, shifokor yoki feldsher bemorni, unga to’gridan- to’gri quloq tutib eshitib ko’rishi-bilvosita auskultatsiyadir.
Auskultasiya texnikasi. Stetoskopning tor uchi yoki fonendoskopning boshchasi bemorning tegishli qismiga qo’yib, fonendoskopning rezina naylari ham shifokorning quloq suprasiga zich tutashib turishi kerak. Normada o’pka ustidan 2 ta asosiy shovqin eshitiladi:
Vezikulyar shovqin: ko’krak o’pka to’qimasi proeksiyalangan joyda kuraklar orasidagi bo’shliqda o’mrov usti va osti, hamda ko’krak ostidan eshitiladi va "F" xarfi talaffuz etilganda chiqadigan tovushga o’xshaydi. U bronxiolalardan alveolalarga o’tadigan havo kuchi bilan alveolalarning yozilishidan paydo bo’ladi.
Bronxial shovqin (nafas) normada traxeya ustida eshitiladi va u "X" xarfini talaffuz qilganda eshitiladigan tovushga o’xshaydi. Patologiyada o’pka ustida har xil xirillashlar eshitish mumkin. Auskultatsiya yurak diagnostikasining keng rasm bo’lgan usulidir. Normada 2 ta yurak toni, ya'ni sistolik va diastolik ton eshitiladi. Sistolik ton yurak bo’lmachalarining qisqarib (sistola fazasi) 2ta tabaqali va 3 ta tabaqali klapanlarining bekiladigan paytda yuzaga keladi. Diastolik ton diastola vaqtida paydo bo’ladi. Bu aorta klapani va o’pka stvoli (o’pka arteriyasi klapanining bekilishiga bog’liq. Sistolik ton - V - qovurga oralig’i, chap tomonda: o’rta o’mrov chizig’ining kesishgan nuqtasida va (yurak chuqurchasi) chap tomondan 4 -qovurganing to’sh suyagi bukilish joyida (Botkin nuqtasida) eshitiladi. II- diastolik ton o’ng tomonda II - qovurga oralig’i to’sh suyagidan 1,5sm o’ngda aortadan va chap tomonda II – qovurg’a oralig’i to’sh suyagidan 1-1,5sm chapda o’pka arteriyasidan yaxshi eshitiladi. Patologiyada sistolik va diastolik shovqinlar eshitilishi mumkin yoki paydo bo’ladi. Bu yurak kasalliklaridan dalolat beradi.