2- kurs III semestr

Bemor shikoyati: Bemor tana xarorati ko’tarilganligi, bosh ogrig’i, burundan shilimshiq oqishi, ozgina quruq yo’tal borligidan shikoyat qilib kelsa, unda "Gripp" yoki "O’tkir respirator kasalligi" to’g’risida o’ylashimiz mumkin. Bemor shikoyati asosiy va qo’shimcha shikoyatlarga bo’linadi.
Kasallikning rivojlanish tarixi - "Anamnezis morbi " Bemor o’z kasalligi to’g’risida bizga to’liq ma'lumot berolmasligi mumkin, shuning uchun ham unga xar xil savollar berib, kasalligi to’g’risida anamnez yig’amiz.
Masalan: Kasallik qachon, qanday boshlanganligi, kasalligini nima bilan bog’laydi yoki kasalligi nimadan keyin kelib chiqdi, bizga kelguncha uyda qanday dori -darmonlar bilan davolandi va kasallikning kechishi so’rab yozib olinadi.
Bemorning hayot anamnezi - "Anamnezis vitae". Bunda bemordan yoshligidan boshlab, to hozirgi kungacha qanday kasalliklar bilan og’riganligi, turmushi yashash sharoiti, atrof - muxit. iqlim, ovqatlanishi, erkaklarda spirtli ichimliklar ichishi, chekishi; ayollardan: necha yoshdan xayz ko’rganligi necha yoshdan turmush qurganligi, homiladorlik vaqtida qanday
kasalliklar bilan kasallanganligi, tug’ruq vaqtida qon ketishlar bo’lmaganmi - yo’qmi, shular surishtiriladi. Yana "Epid anamnez", "Allergologik anamnez"va yaqin qarindoshlari ichida "Irsiy kasalliklar" bor - yo’qligi so’rab surishtiriladi.
Bemorlarni bilvosita (Ob'ektiv) tekshirish usuli. "Status praesens objectivus; Bu tekshirish usuli ham 4 –qismdan iborat.

• 
  Bemorlarni umumiy ko’zdan kechirish;
  
• 
  Palpatsiya.
  
• 
  Perkussiya
  
• 
  Auskultatsiya - eshntib ko’rish.
  

Bemorni umumiy ko’zdan kechirganda, tashxis uchni zarur bo’lgan ma'lumotlarni olish mumkin. Bemorni ko’zdan kechirganda bemorning holatnga (vaziyati) gavda tuzilishiga , es - xushiga , teri va shilliq pardalar holatigi e'tibor beriladi.
Bemor holati (aktiv, majburiy, passiv) bo’ladi. Es- xushi (stupor, sopor, koma). Gavda tuzilishi: (Astenik, normostenik, giperstenik) tipda bo’ladi.
Yuz ifodasiga e'tibor beriladi; Masalan yuzning ertalablari salqishi, qovoqlarda shish bo’lishi, terining rangparligi buyrak kasalligidan dalolat beradi. Qalqonsimon bezning kattalashuvi, ko’zning chaqchayib turishi, qo’l-oyoqlaning titrashi , diffuz toksik bo’qoq" kasalligidan dalolat beradi.Terini ko’zdan kechirganda uning rangiga e'tibor beriladi. Teri rangining sarg’ayishi, ko’z sklerasining (sarg’ayishi) subikterikligi jigar kasalligining ilk belgisidir. Sariqlikning parenximatoz, mexanik yoki obturatsion. gemolitik turlari tafovut qilinadi. Teriga turli xil toshmalar, eritemalar, eshakem. rozeolalar, purpuralar, uchuq toshishi, mumkin. Til shilliq pardalari ko’zdan kechirilganda normada ho’l bo’ladi. Patologiyada quruq va oq yoki malla karash bilan qoplangan bo’lishi mumkin. Qo’l va oyoqlarning barmoq uchlari qattalashib, dumaloq shaklga kirishi ("nogora cho’pi") yurakning tug’ma poroklarida, o’pka abtsessi, o’pka gangrenasida kuzatiladi.

3.