2- kurs III semestr

Eslatma: Kislorod nam holatda beriladi, aks holda shilimshiq qavat kuyib qolishi mumkin.
Dorivor preparatlarni ingalyastsiya usuli bilan kiritish.
Eslatma: Ingalyastsiyalar soni va ularning orasidagi intervalni shifokor belgilaydi.
Bajarilishi:
1. Dorivor preparatning nomini o’qing, preparat haqidagi ma’lumotni bemorga yetkazing, muolajaning borishi haqida tushuntiring.
2. Qo’lingizni yuving.
3. Dorivor preparat solinmagan ingalyastsiya balonchasidan foydalanib, bemorga muolajaning bajarilishini ko’rsating.
4. Bemorni o’tkazing yoki ingalyatsiyani turib bajaring,chunki turgan holatda nafas olish samaraliroq bo’ladi.
5.Ingalyatordan himoya qalpoqchasini yeching.
6.Ballonchasini to’nkarib, silkiting.
7. Bemordan chuqur nafas chiqarishni iltimos qiling; ingalyatorning mundshtugini bemorning og’ziga soling , bemor uni labi bilan mahkam qisib olsin; bemorning boshi orqaga sal egilgan bo’lsin.
8. Bemordan chuqur nafas olishni iltimos qiling va bir vaqtning o’zida ballonchaning tubini bosing.
9. Ingalyator mundshtukini bemorning og’zidan oling; nafasni 5-10 sek ushlab turishni iltimos qiling.
10. Bemor tinch nafas chiqaradi.
11. Bemorga ishlatilayotgan ingalyator bilan muolajani mustaqil bajarishini so’rang.
12. Ingalyatsiyadan keyin ingalyatorni himoya qalpoqchasi bilan , maxsus joyga olib qoying.
13. Qo’lingizni yuving.
Ingalyatsiya- dori moddalarini va suvni ul’tratovushli purkagich yordamida aerozolga aylantirib nafas olish yo’llariga purkash yo’li bilan o’tkaziladigan davolash usulidir.
Balg’amni ajratish usuli
Balg’amni ajratish muommasida va balg’amni tekshirish uchun yig’ishda quyida berilgan 2 usulni tavsiya etish mumkin.
a) balg’amni chiqarishda yo’talishning I- usuli:

1. 
   Burun orqali asta-sekin nafas olinadi
   
2. 
   Og’izdan nafasni tez va kuchli chiqaradi.4-5 marta takrorlash kerak
   

va sekin-asta nafasni kuchliroq chiqarib borish kerak.