2- kurs III semestr

Uy sharoitida qilinadigan ingalyatsiyalarning eng ko’p tarqalgan usullari
Kartoshka po’sti artilmasdan suvda pishiriladi, suvning bir qismi to’kib tashlanadi, ozgina ukrop solinadi, 2 osh qoshiq o’simlik moyi va 1\2 choy qoshiq ichimlik sodasini qo’shib, olovda bir oz isitiladi. Bemor qulay o’tqaziladi, uning boshiga paxmoq adyol yoki katta issiq ro’mol (katta kapyushon ko’rinishida) yopiladi, issiq kartoshkali idish ustida boshi engashtiriladi . Undan chiqayotgan bug’dan bemor 10-15 daqiqa mobaynida nafas oladi. Shundan so’ng bemor issiq o’ralib, 1-2 soat o’rnida yotishi lozim.
Kartoshkaning po’chog’ini yaxshilab yuvib, oz miqdordagi suvda kartoshka hidi chiqquncha pishiriladi. 2 ta validol tabletkasini qo’shish ham mumkin. Bemor boshi yopiladi, po’choqli idish ustiga engashtirib, burun va og’iz bilan 10-15 daqiqa mobaynida chuqur nafas olinadi, shundan so’ng o’ringa yotiladi.
Bir choy qoshiq evkalipt bargi maydalanadi, 3 stakan qaynoq suv quyiladi, 5 daqiqa damlanadi, isitilib, 20 daqiqa nafas olinadi.
Choynakka qaynab turgan suvga 1 osh qoshiq skipidar qo’shilib, bug’idan nafas olinadi.
Sirlangan idishga 10 g qarag’ay kurtagi va tozalangan erqalampir solinadi, 1 stakan qaynoq suv qo’shiladi, 20 daqiqa damlanib, siqib olinadi, suzgichdan o’tkaziladi, ingalyasiya qilinadigan idishga solinadi va bug’idan nafas olinadi.
70 ml issiq suvga 30g asal qo’shiladi, bu suyuqlik kastryul yoki choynakka quyiladi, isitilib, kuniga 2-3 maxal 10-15 daqiqa nafas olinadi.
Qaynoq suvli choynakka 1 choy qoshiq ichimlik sodasi qo’shiladi va voronka orqali bug’dan nafas olinadi.
1 osh qoshiq qizilpoycha o’tiga 1 stakan qaynoq suv quyiladi, 30 daqiqa damlanadi, siqib olinadi, qaynoq suvli choynakka qo’shilib ingalyatsiya qilinadi.
1 osh qoshiq kalendula, moychechak , mavrak 1\3 qaynoq suv qo’shiladi, 3-5 daqiqa damlanadi, suzgichdan o’tkaziladi kastryul yoki choynakdagi qaynoq suvga qo’shilib bug’dan 20 daqiqa nafas olinadi.
Qora andizning maydalangan ildiz va ildizpoyalari (20g – to’la bir osh qoshiq) sirli idishga solinadi, 1 stakan qaynoq suv quyiladi, qopqog’i yopiladi va bug’da isitiladi, 30 daqiqa tez-tez kavlab turiladi, shundan so’ng suzgichdan o’tkaziladi, issiq suvli choynakka qo’shilib 10 daqiqa nafas olinadi.
20 g moychechakka 1 stakan qaynoq suv qo’shiladi, 4 soat damlanadi suzgichdan o’tkaziladi; damlama isitilib, ilik holiday burun ingalyatsiyasi qilinadi. Bu usul tumovda yaxshi yordam beradi.