19-mavzu. Bilimlar menejmentstrreplA

Tashkiliy o’rganish va bilimlar menejmenti

Insonlar kabi tashkilotlar ham turli tashkiliy o’rganish mexanizmlarini qo’llab bilimlarni yaratishlari va to’plashlari mumkin. Tashkilotlar ma’lumotlarni to’plash, rejalashtirilgan tadbirlar, sinov va xatoliklar(tajribalar), iste’molchilar talab va mulohazalari, umuman muhit orqali tajriba orttirishadi. Ularni o’rganib tashkilotlar yangi biznes jarayonlarini yaratishadi va boshqaruv qarorlarini qabul qilish modellarini o’zgartirishadi. Bu o’zgarish jarayoni tashkiliy o’rganish deyiladi. Shubhasiz muhitni sezuvchi va unga tez javob beruvchi tashkilotlar nochor o’rganish mexanizmiga ega tashkilotlarga qaraganda ko’proq yashaydi.

BILIMLARNI BOSHQARISHNING ZANJIRI

Bilimlarni boshqarish ma’lum bir tashkilotda bilimlarni yaratish, jamlash, uzatish va qabul qilish jarayonlari majmuidir. Bilimlarni boshqarish tashkilotning muhitni o’rganish qobiliyatini va ish jarayonlarida bilimlarni tatbiq qilish qobiliyatini oshiradi. 19. 1. -chizma bilimlarni boshqarish zanjiridagi 5 qadamni ko’rsatadi. Zanjirdagi har bir bosqich ma’lumotlar va axborotlarni foydali bilimga aylantirib boradi.

19. 1-shaklda axborot tizimlari faoliyati boshqaruv va tashkiliy faoliyatlarga ajratilgan, axborot tizimlari yuqorida va quyida boshqaruv va tashkiliy faoliyatlar berilgan. Bilimlarni boshqarish sohasida bir shior mavjud :’’Samarali bilimlarni boshqarish bu 80 % boshqaruv va tashkiliy faoliyat, 20% texnologiyadir. ’’

1-bobda biz tashkiliy va boshqaruv kapitalini axborot tizimlarida investitsiyalardan foyda olishni talab qiladigan biznes jarayonlari, madaniy holat va hatti-harakatlar majmui sifatida belgilab oldik. Bilimlarni boshqarish holatida ham boshqa axborot tizimlari investitsiyalari kabi yordam beruvchi jihatlar, strukturalar va hatti-harakat usullari bilimlarni boshqarish loyihalari daromadliligini oshiradi.

19. 1-jadvalda diagrammaning quyi qismidagi boshqaruv va tashkiliy faoliyat tashkiliy kapitalga investitsiyalarni namoyon qiladi, axborot tehnologiyalariga qaytib boruvchi investitsiyalar va axborot tehnologiyasi tizimlari diagrammaning yuqori qismida ko’rsatilgan.