18-Amaliy mashg‘ulot Mavzu: Sut konservalarning sifatini baholash. Sut konservalarida uchraydigan nuqsonlarni oʻrganish Ishning maqsadi

18-Amaliy mashg‘ulot
Mavzu: Sut konservalarning sifatini baholash. Sut konservalarida uchraydigan nuqsonlarni oʻrganish


Ishning maqsadi:Tayyorlanish jarayoniga qarab sut konservalari: sterillangan quyultirilgan, quyultirilgan shakarli va quruq sutlarga boʻlinadi. Konservalashning asosiy maqsadi- sutdagi suvni ma’lum miqdorda kamaytirib, quruq moddasini oshirishdan iborat. Sutni quyultirish namlikni past bosimda boʻgʻlatish orqali amalga oshiriladi. Natijada tarkibida quruq modda ortadi, soʻngra mahsulotga ishlov (sterillash yoki shakar qoʻshish) beriladi undan maqsad uzoq muddat saqlash hisoblanadi.
Quruq sut tayyorlashda quyultirilgan mahsulot, tarkibida 1,5-5 % namlik qolguncha quritiladi natijada quruq sut kukuni paydo boʻladi unda mikroorganizmlar rivojlanaolmaydi.
Sut konservalari tayyorlashda davlat standarti talablariga javob beradigan xomashyodan foydalanilib, unda begona hid, ta’m boʻlmaslik kerak.


Quyultirilgansutkonservalaritayyorlash texnologiyasi
Mahsulotni tayyorlash uchun, vakuum-boʻgʻlatovchi apparat, sterilizator va qopqoq yopish uskunasi kerak. Bu mahsulotlarga sterillangan quyultirilgan qaymogʻi olinmagan sut, pasterlangan qaymogʻi olinmagan va pasterlangan qaymogʻi olingan sut kabilar kiradi.
Quyultirilgan sut – sutni qizdirish yoki boshqa texnologik omillar natijasida namligi kamaytiriladi natijada xuddi tabiiy sut kabi tarkibga ega mahsulot paydo boʻladi. Sutni tarkibidagi zardob oqsillari va kazeinni toʻliq saqlab qolish maqsadida avvalambor sutni tarkibi me’yorlashtiriladi.
Sterillangan quyultirilgan qaymogʻi olingan sut. SHirinroq – shoʻrtobroq ta’mga, bir xil konsistensiyaga ega boʻlib, tarkibi 74 % suv va 26 % quruq moddadan iborat. Quruq moddasining 7,8 % yogʻdan tashkil topib, yogʻni YO QSQ ga nisbati 0,46 ga teng boʻlishi lozim. Uning tarkibida mikroorganizmlar boʻlmasligi shart.
Mahsulotni ishlab chiqarish quyidagi bosqichlardan iborat: sutni sifatini aniqlash va qabul qilish, sovutish va saqlash, normallashtirish, quyultirish, gomogenlash va quyultirilgan sutni sovutish, namuna sterillash, sutni idishlarga quyish va berkitish, quyultirilgan sutni sterillash, sterillanganligini nazorat qilish, va saqlash.