17 мавзу Қўшимча маърузалар (мустақил тайёрланишда ёрдам учун)

Қишлоқ хўжалик фитопатологияси Сабзавот экинларининг касалликлари

• КАРАМНИНГ
• ШИЛИМШИҚ БАКТЕРИОЗИ
• (ЮМШОҚ, ЁКИ ҲЎЛ ЧИРИШИ)

Қишлоқ хўжалик фитопатологияси Сабзавот экинларининг касалликлари

• КАРАМНИНГ ШИЛИМШИҚ БАКТЕРИОЗИ
• Касалликни Erwinia carotovora ва E. aroidea бактериялари қўзғатади. Улар кўп экин ва бегона ўтларни зарарлайди, Ўзбекистонда омборхоналарда кенг тарқалган ва катта зарар етказади. E. carotovora турининг белгилари “Картошка касалликлари” маърузасида келтирилган.

Қишлоқ хўжалик фитопатологияси Сабзавот экинларининг касалликлари

• КАРАМНИНГ ШИЛИМШИҚ БАКТЕРИОЗИ
• Карам ниҳоллари ва даладаги карам бошлари ривожланиши даврида кам ҳолларда зарарланади. Одатда механик жароҳат олган, заифлашган, ҳашаротлар (карам чивини, бургачалар, ширалар, карам пашшаси, қандала ва капалак қуртлари) ва бошқа касалликлар билан зарарланган, таркибида нитрат азоти мавжуд бўлган карам бошлари омборхоналарда, айниқса юқори ҳарорат ва намлик шароитида зараланади. Карамнинг ташқи барглари ва ўзаги шилимшиқланади ва чирийди, ичи юмшайди, ўткир қўланса ҳид чиқаради. Уруғлик учун далага экилган касал карам бошлари ўсмайди, ичи чириган аталага айланади.

Қишлоқ хўжалик фитопатологияси Сабзавот экинларининг касалликлари

• КАРАМНИНГ ШИЛИМШИҚ БАКТЕРИОЗИ
• Бактериялар кейинги мавсумга уруғлик карам бошлари ва ўсимлик қолдиқлари билан ўтади; уруғда сақланиши ёки сақланмаслиги хабар қилинган. Ўсув даврида бактерияларни карам пашшаси, карам шираси, карам қурти, қандала ва бошқа ҳашаротлар тарқатади. Бактериоз ривожи учун оптимал ҳарорат 20-25оС (Пересыпкин) ёки 25-30оС (Герасимов, Осницкая) эканлиги хабар қилинган.

Қишлоқ хўжалик фитопатологияси Сабзавот экинларининг касалликлари

• КАРАМНИНГ ШИЛИМШИҚ БАКТЕРИОЗИ
• КУРАШ ЧОРАЛАРИ
• Қишда сақлаш учун қатъий равишда соғлом, механик жароҳатсиз карам бошларини танлаш ва уларни паст (0оС) ҳароратда сақлаш; уруғларни экишдан олдин 50оС ҳароратли сувда 30 дақиқа иситиш ва бактерицид билан дорилаш; алмашлаб экишни жорий қилиш; азотли ўғитларни меъёридан ортиқ қўлламаслик; ўсимлик қолдиқлари, бегона ўтлар ва зарарли ҳашаротларни йўқотиш; уруғлик учун соғлом карам бошлари экиш лозим.