17 мавзу Қўшимча маърузалар (мустақил тайёрланишда ёрдам учун)

Қишлоқ хўжалик фитопатологияси Сабзавот экинларининг касалликлари

• КАРАМНИНГ ФУЗАРИОЗ САРҒАЙИШИ ВА СЎЛИШИ
• Касалликни гифомицет Fusarium oxysporum f. conglutinans қўзғатади. F. oxysporum замбуруғининг белгилари “Помидор касалликлари” маърузасида келтирилган. Патоген карам ва бошқа бутгулдошлар оиласига мансуб экинларнинг ниҳол ва етилган ўсимликларини зарарлайди. Иссиқхоналарда ниҳоллар, далада ёш ва етилган ўсимликларнинг барглари сарғаяди, доғлар ривожланиб, олачипор тус олади, томирлари қораяди, ўсимликлар ўсишдан орқада қолади, карам боши кичик ва, барглар тўкилиши натижасида, яланғоч бўлиб қолиши кузатилади. Карам навлари замбуруғ ирқлари билан ҳар хил даражада зарарланади. Патогеннинг хламидоспоралари тупроқда 11 йилгача, карам бошида омборхоналарда кейинги мавсумгача сақланади. Тупроқда калий етишмаслиги фузариозни кучайтиради.

Қишлоқ хўжалик фитопатологияси Сабзавот экинларининг касалликлари

• КАРАМНИНГ ФУЗАРИОЗ САРҒАЙИШИ ВА СЎЛИШИ
• Кураш чоралари. Чидамли навлар экиш; уруғликка экишдан олдин триходермин (15-20 г – 2,5·109 конидия/кг) ёки бошқа фунгицид билан ишлов бериш; иссиқхоналарни дезинфекциялаш ва тупроқни алмаштириш ёки зарарсизлантириш; далаларда бутгулдошлорга мансуб экинларни ҳар 5-6 йилдан кейин қайта жойлаштириш шартига тўғри келадиган алмаштириб экишни жорий этиш; калий ўғитларининг юқори меъёрларини қўллаш; ўсимлик қолдиқларини даладан чиқариб, йўқотиш; кузги шудгорни чуқур ва ўз вақтида ўтказиш тавсия қилинади

Қишлоқ хўжалик фитопатологияси Сабзавот экинларининг касалликлари

• КАРАМНИНГ
• СОХТА УН-ШУДРИНГ
• (ПЕРОНОСПОРОЗ)
• КАСАЛЛИГИ

Қишлоқ хўжалик фитопатологияси Сабзавот экинларининг касалликлари

• КАРАМНИНГ
• СОХТА УН-ШУДРИНГ КАСАЛЛИГИ
• Касалликни Peronospora brassicae оомицет замбуруғи қўзғатади. Патоген карамдан ташқари бошқа бутгулдош экин (редиска, брюква, шолғом, турнепс, кресс-салат) ва бегона ўтларни (жағ-жағ ва б.) зарарлайди.
• Карамнинг уруғпалла, ниҳол, етилган ўсимликлари ва уруғликлари касалланади. Касаллик айниқса ёш ўсимликларга катта зарар етказади. Уруғпалла ва баргларнинг устки томонида сариқ, кулранг-сарғиш, нотўғри шаклли доғлар, уларнинг остида (баргларнинг пастки томонида) – конидиофора ва конидиялардан ташкил топган юпқа, сийрак, оч-кулранг моғор қатлами ривожланади (25 расм), барглар сарғаяди, сўлийди, қурийди.