17-bob. Boshqaruvning aqsh, Yevropa va osiyo mamlakatlari modeli

Tashqi omillar – AQShning keng ko‘lamli iqtisodiy yordami, xorijiy kompaniyalarning roli(yniqsa, yapon kompaniyalari), eksportga yo‘naltirilgan iqtisodiy siyosatning ustunligi;

Iqtisodiyotga davlatning faol aralashuvi – yirik davlat arboblarining davlat siyosatiga faol aralashuvi, yirik biznesning siyosiy vakillar tomonidan tashkil qilinishi, tadbirkorlik faoliyati va banklarning uzviy aloqasi, boshqaruvning barcha daraja va pog‘onalarida “ustoz-shogird” tizimining yo‘lga qo‘yilishi;

Resurslardan samarali foydalanish – arzon va yuqori malakali ishchi kuchining mavjudligi, mehnat munosabatlarini qat’iy tartibga solishning mavjudligi

Tashkiliy madaniyatning ta’siri – Konfutsianlik an’analarining ustuvorligi, guruhlar garmoniyasi (guruhlarda ishlashning yuqori samara berishi), kasbiy va xizmat martabasiga intilishning yuqoriligi, shaxsiy kareraning muhim hisoblanishi.

Biznes yo‘nalishi – milliy chebol modelining ustuvorligi, mulkdorlar va menejerlar o‘rtasida tadbirkorlik g‘oyalarining ustuvorligi va paternalizm[34].

Koreyada oilaviy biznesning o‘ziga xos shakli “chebol” juda keng tarqalgan. Bu moliyaviy va ma’muriy nazorat to‘laligicha ma’lum oilaga tegishli bo‘lgan mulk bo‘lib, o‘rta pog‘ona menejerlari tomonidan boshqariladi. Aynan mulkdor yoki yuqori pog‘ona menejerlari faoliyatiining sustligi, oilaviy va qarindoshlik rishtalarining kuchliligi sababli chebollar juda katta samaradorlikni namoyon qiladi.
Bundan tashqari Koreya menejmentining yana bir muhim jihati kollektivizm va individualizm o‘rtasida juda mukammal muvozanatning saqlanganligi hamdir. Osiyo xalqlariga xos bo‘lgan “kuchli kollektivizm – barchasi jamiyat manfaatlari uchun xizmat qilishi, alohida shaxs manfaati ahamiyatsiz” ekanligini ilgari suruvchi tamoyil va AQSh ta’sirida shakllangan mutloq individualizm, barcha narsa shaxsiy maqsadlar va shaxsiy manfaatlar uchun xizmat qilishi lozim” tamoyili Koreya kompaniyalarining hayot tarziga aylangan. Koreya Respublikasida eng asosiy e’tibor korporativ madaniyatga, mehnat jamoasining muvaffaqiyatiga qaratilgan, shu bilan birga mehnat jamoalari ichida eng mahoratli, kasbiy va xizmat martabasida ulkan yutuqlarga ega xodimlar doimiy rag‘batlantiriladi va ulug‘lanadi. Shu sababli ham kompaniyalarda aksariyat qobiliyatli, bilimli va o‘z kasbining mohir egalari ishlaydilar