16K20F3 rusumli rdb tokarlik dastgohini strukturaviy texnologik modellashtirish. Reja

Dastgohning texnik tasnifi

1. Ishchi stol yuzasi o`lchamlari (eni, uzunligi), mm		400 x 1600
2. SHpindel aylanish chastotalari soni		18
3. SHpindel aylanish chastotasi cheklari, ayl/min		31,5 - 1600
4. Surishlar cheklari, mm/min Ko`ndalang Bo`ylama Vertikal		8 – 1200 8 – 1200 8 – 800
5. Ko`ndalang va bo`ylama yo`nalishlar bo`yicha tez surish tezligi, mm/min		4000
6. YUritmalarni boshqarish		Pog’onasiz
7. Koordinata o`qlari bo`ylab harakatlanish diskretligi, mm		0,01
8. Koordinatalar soni		4
9. Bir vaqtda boshqariladigan koordinatalar soni		3
10. Asosiy harakatlanuvchi elektrodvigateli quvvati, kVt		7,8
11. RDB qurilmasi turi		N33 - 1M

Ishni bajarish tartibi

10. 
    Dastgoh vazifasini o`rganib chiqish
    
11. 
    Dastgohning ishlash printsipini o`rganish
    
12. 
    Dastgohning koordinata tizimini aniqlash
    
13. 
    RDB Dastgoh tizimi bilan tanishish
    
14. 
    Dastgohning koordinataviy texnologik sxemasini (KTS) ishlab chiqish
    
15. 
    Dastgohning strukturaviy texnologik formulasini (STF) ishlab chiqish
    
16. 
    Dastgohning kombinatsiyalashgan koordinataviy texnologik sxemasini (KKTS) ishlab chiqish
    
17. 
    Dastgohning quvvat formulasini (DQF) yozish
    
18. 
    Bajarilgan ish bo`yicha hisobotni tayyorlash
    

Nazorat savollari

10. 
    Dastgohning vazifasi
    
11. 
    Qadamli dvigatel’ni ishlash printsipi
    
12. 
    Burovchi moment gidrokuchaytirgichining ishlash printsipi
    
13. 
    Elektrogidravlik qadamli yuritmaning ishlash printsipi
    
14. 
    Dastgoh koordinata o`qlarining ijobiy yo`nalishlarini tanlash qanday amalga oshiriladi?
    
15. 
    Dastgohning koordinataviy texnologik sxemasi nima?
    
16. 
    Dastgohning strukturaviy texnologik formulasiga nima kiradi?
    
17. 
    KTS KKTS dan nimasi bilan farq qiladi?
    
18. 
    Dastgohning quvvati formulasi qanday ma`lumotlardan tashkil topgan?
    

amaliy mashg’ulot № 9


RDB tokarlik stanoklarida hisoblash-texnologik xaritasini aniqlash


16K20F3 rusumli RDB tokarlik dastgohini strukturaviy texnologik modellashtirish.
Ishning maqsadi: 16K20F3 rusumli RDB tokarlik dastgohi bilan tanishish, asosiy ishchi mexanizlari konstruktsiyalarini va dastgohning texnologik imkoniyatlarini o`rganish, dastgohning strukturaviy texnologik modelini ishlab chiqish.
Dastgohning vazifasi
Dastgoh tashqi va ichki tsilindrik, sferasimon va fason yuzalarga ishlov berish, chervyakli va turli xil yakka va ko`p kirimli, shu bilan bir qatorda o`zgaruvchan qadamli rez’balarni ochishga mo`ljallangan. Ishlov berish jarayonida zagotovka sodda shakl hosil qiluvchi harakatni (Z o`qi atrofida aylanish) amalga oshiradi, ko`p pozitsiyali keskich tutqichiga mahkamlangan keskich esa zagotovka o`qi bo`ylab (koordinataning Z o`qi) va zagotovka o`qiga perpendikulyar (koordinataning X o`qi) bo`yicha harakatlanadi. Zagatovkaning aylanma harakati va keskichning bo`ylama va ko`ndalang harakatlari natijasida kerakli mahsulot shaklini olish imkoniyatini beradi.
Dastgoh tavsifi
16K20F3 rusumidagi RDB tokarlik dastgohi raqamli dastur boshqaruv qurilmasi va dastgoh o`zidan tashkil topgan.
Boshqaruv qurilmasi dastgoh yoniga o`rnatilgan elektron bloklar katakchalariga ega ustundan tashkil topgan. elektron bloklar dastur tashuvchilardagi axborotlarni o`qish, ularni boshqaruv tizimiga kirgizish, joriy axborotlarni taxlil qilish, dasturni to`g’irlash va o`zgartirish uchun mo`ljallangan.
Dastgoh tavsifnomasiga uning vazifasi, tuzilishi, asosiy harakat uzatmalari, qo`l va avtomat surishlar, dastgohning texnologik imkoniyatlarini kengaytiradigan va ekspulatatsiya jarayonini soddalashtiradigan bloklar va qurilmalar kiradi.
RDB dastgohini baholash asosan quyidagi asosiy ko`rsatgichlar asosida amalga oshiriladi: mahsulot ishlab chiqarish unumdorligi, ishlash aniqligi va ekspluatatsiya sermexnatligi.
Asosiy harakat 1460 ayl/min nominal aylanish chastotasiga ega asinxron chastotasi rostlanadigan elektrodvigatel’dan amalga oshiriladi. SHpindel’ aylanishlar chastotasi 12,5 - 2000 ayl/min oralig’ida uchta ostdiapazonda sozlanadi. Ostdiapazonlar qo`l yordamida o`zgartiriladi. Asbobiy kallak o`rnatilgan support harakati (Z va X koordinata o`qlari) gidrokuchaytirgichli qadamli yuritma (SHD-4 tipidagi)orqali amalga oshiriladi.
Olti holatli gorizontal o`q atrofida buriladigan asbobiy kallak supportga o`rnatilgan.
Ishlov berish dasturi sakkiz qatorli perfolentaga ISO 7-bit kodi orqali yoziladi. Dastgohda 2R22 tipidagi boshqarish qurilmasi qo`llaniladi.
Ketingi babka dastur asosida bajariladigan pinol’ harakatlanishi, pinol’ni qisish va bo`shatish uchun elektromexanik yuritmaga ega. Ketingi babkani stanina yo`naltirgichlari bo`yicha ko`chirish qo`lda amalga oshiriladi.
Elektrogidravlik qadamli yuritmaning asosi elektrik qadamli dvigatel’ va buruvchi momentning gidrokuchaytirgichidan tashkil topgan. Gidrokuchaytirgich aksial porshenli gidrodvigatel’ va o`qiy tipidagi kuzatuvchi zolotnikdan bo`ladi.
Elektrogidravlik qadamli yuritmalarni oziqlantiruvchi nasos qurilmasi moy etkazishini avtomatik rostlaydigan aksial porshenli nasos, quvvatlantiruvchi qurilma, fil’trlash, ishchi suyuqligini sovutish, nasos qurilmasini oldindan qizdirish va nazorat rostlash asboblaridan tashkil topgan.