169. Рахманов Хошим Эрдашович I. Умумий маълумотлар

II. Тадқиқотнинг мақсади: машиналар гидравлик тизимларининг тебраниши ҳаракатларини стабиллаштириш динамик жараёнларини ҳисоблашнинг математик моделлари ва сонли алгоритмларини ишлаб чиқишдан иборат.
III. Тадқиқотнинг илмий янгилиги:
гидравлик тизим гидроцилиндридаги демпферлаш ва ташқи юк қаршилиги чизиқсиз бўлган ҳоллар ҳисобга олиниб, чизиқсиз юкламали гидравлик юритмани стабиллаштиришнинг математик модели асосида сонли алгоритми ишлаб чиқилган;
кўчиш ва тезлик бўйича тескари боғланишга эга бўлган, чизиқсиз характеристикали гидравлик тизимни стабиллаштиришнинг математик модели Ляпунов функциялари усули асосида ечилган ва ечиш алгоритми ишлаб чиқилган;
Рунге-Кутта усули асосида ғилдиракли машиналар гидравлик узелларидаги мураккаб тебраниш жараёнларини тадқиқ қилиш учун сонли ҳисоблаш алгоритми ишлаб чиқилган;
Брокетт стабиллаш муаммоси, стохастиклик ҳақидаги Синай мезони ва стабиллаш бўйича Ляпунов усули бирлаштирилиши орқали ғилдиракли транспорт воситаларининг гидравлик тизимлари тебранма ҳаракатларини умумлаштирилган сифат жиҳатдан тадқиқ қилишнинг янги усули ишлаб чиқилган.
IV. Тадқиқот натижаларининг жорий қилиниши.
Ғилдиракли машиналар гидравлик тизимларидаги жараёнларни ўрганиш бўйича олиб борилган тадқиқотлар илмий натижалари асосида:
ғилдиракли машиналар конструкцияларидаги мураккаб тебранишларни ҳисоблаш тизими бўйича математик модел, алгоритм ва дастурий таъминот объектнинг оптимал амортизация жараёнини таъминлайдиган ғилдиракли машина осмасининг зарбда стабиллаштириш жараёнининг математик модели ва сонли алгоритми «Трактор» Махсус конструкторлик бюроси унитар корхонасига жорий қилинган (Ахборот технологиялари ва коммуникацияларини ривожлантириш вазирлигининг 2019 йил 24 сентябрдаги 33-8/6671-сон маълумотномаси). Натижада трактор гидротизимининг ишлаб чиқишда лойиҳалаш сифати ва самарадорлигини ошириш, тажриба-конструкторлик машиналарининг завод синовларини ўтказиш ҳаражатларини камайтириш, ишлаб чиқариш меҳнат унумдорлигини ошириш ҳисобига бир йилда 7% самарадорлик олиш имконини берган;
гидротақсимлагичнинг бошқарув канали, бошқарув гидравлик зарбнинг пайдо бўлиши жараёнини тадқиқ қилишнинг математик модели ва ҳисоблаш алгоритми «Хонқа Агросервис машина трактор парки ва интеграллашган сервис маркази» МЧЖда жорий этилган (Ахборот технологиялари ва коммуникацияларини ривожлантириш вазирлигининг 2019 йил 24 сентябрдаги 33-8/6671-сон маълумотномаси). Натижада гидравлик тақсимлагичларнинг ишончли ишлашини 6-7% ошириш имконини берган;
ғилдиракли машиналар конструкцияларидаги мураккаб тебранишларни ҳисоблаш тизими математик модели, алгоритми ва дастурий таъминоти «Қишлоқ хўжалиги инжиниринги» МЧЖда жорий қилинган (Ахборот технологиялари ва коммуникацияларини ривожлантириш вазирлигининг 2019 йил 24 сентябрдаги 33-8/6671-сон маълумотномаси). Илмий тадқиқотлар натижасида турли хил физик параметрларга эга маълумотлар базасини ташкил этиш билан стабиллаштириш жараёнини сифатли бошқаришга эришилган ва ушбу маълумотлар базаси ҳисоб ишларини 7-8% га қисқартириш имконини берган.

176. Турғунов Аброржон Махаматсолиевичнинг

фалсафа доктори (PhD) диссертацияси ҳимояси ҳақида эълон