16 мавзу. Суғурта шартномаси. Оддий ширкат. Оммавий танлов. Мукофотни ошкора ваъда қилиш. Қимор ва гаров ўйинлари ўтказиш

16 - мавзу. Суғурта шартномаси. Оддий ширкат. Оммавий
танлов. Мукофотни ошкора ваъда қилиш. Қимор ва
гаров ўйинлари ўтказиш.
РЕЖА:

1. 
   Суғурта тушунчаси ва турлари.
   
2. 
   Ихтиёрий ва мажбурий суғурта шартномаси.
   
3. 
   Мулкий ва шахсий суғурта шартномаси.
   
4. 
   Мажбурий суғурта ва уни қўллаш сохалари.
   
5. 
   Суғурта шартномасининг шакли ва шартлари суғурта шартномаси.
   
6. 
   Суғурта мукофоти суғурта товони.
   
7. 
   Оддий ширкат шартномаси.
   
8. 
   Оммавий танлов.
   
9. 
   Мукофотни ошкора ваъда қилиш.
   
10. 
    Қимор ва гаров ўйинлари ўтказиш.
    

Дарс машғулотининг натижаси: талабаларга суғурта ҳуқуқий муносабатлари ва уларнинг фуқаролик-ҳуқуқий муносабатлар тизимида тутган ўрни, суғурта предмети ва объектлари, суғурта шартномаси ва унинг муҳим шартлари, суғурта шартномаси тарафларининг жавобгарлиги борасида билимлар олинади. Шу билан бирга оддий ширкат шартномаси, оммавий танлов, мукофотни ошкора ваъда қилиш бўйича махсус билимларга эга бўлади. Амалий масалалар ва аргументлар келтириш оркали конунларнинг амалиётда кандай ишлашини тушунтириш. Талабаларни муқобил фикр-мулоҳазалари бўйича тегишли юридик терминологиядан фойдаланган ҳолда танқидий мушоҳада юритишга ўргатиш.


1-§. Суғурта тушунчаси ва турлари.


Суғурта шартномасига мувофиқ - бир тараф (суғурта қилдирувчи) юридик ёки жисмоний шахслар тўлайдиган суғурта мукофотларидан шакллантириладиган пул фондлари ҳисобидан муайян воқеа (суғурта ҳодисаси) юз берганда ушбу шахсларга суғурта шартномасига муво-фиқ суғурталовчи томонидан суғурта товонини (суғурта пулини) тўлайди.
Суғурта шартномаси ҳақ эвазига тузиладиган шартнома ҳисобланиб, суғурта қилдирувчи суғурта мукофотини тўлайди, суғурталовчи эса суғурта ҳодисаси рўй бериши билан суғурта пулини тўлайди.