16-Мавзу. Бетон қоришмасини тайёрлаш ва бетонга қаров ўтказиш Бетон қоришмасини тайёрлаш ва ташиш

Бетон қоришмасини ётқизиш ва зичлаш. Бетон қоришмасини ётқизиш пайтида унинг харакатчанлиги мунтазам текшириб турилиши лозим.
Бетон қоришмасини конструкцияларга ётқизиш ва зичлаш вақтида унинг ҳарорати одатда 30...35 ⁰С дан юқори бўлмаслиги керак. Ўлчамлари нисбатан катта бўлган конструкцияларни бетонлашда эса, қоришманинг ҳарорати мумкин қадар паст бўлиши, яъни 20 ⁰С дан ошмаслиги лозим (бу талаб олдин- дан иситилган бетон қоришмасини ётқизиш услубига тааллуқли эмас).
Бетон қоришмасини ётқизишдан олдин:
соябонлар қуриш ёки кўчма соябонлар ўрнатиш йўли билан бетон ётқи- зиладиган жойни қуёш нуридан ҳимоя қилиш;
қолип, арматура ва асосни совуқ сув сепиб совитиш тавсия этилади.
Турли қопламалар юзасини бетонлашда юза қатламнинг сифатини ошириш ва текис бўлишини таъминлаш учун бетон қоришмасини зичлашнинг вакуум- лаш усули қўлланилади. Бунда қуйдаги қоидаларга амал қилиш зарур:
вакуумланган юзалар текис бўлиши, вакуум-шит ва вакуум-қолиплар бе- тонга тегиб туриши, ҳамда вакуум бўшлиққа ҳавонинг сўрилишига йўл қўй- маслик керак;
бетон қоришмаси олдин яхшилаб зичланган бўлиши лозим ;
вакуумлашни бетонлаш ишлари тугалланганидан сўнг кўпи билан 15...20 мин. дан кейин бошлаш зарур;
қалинлиги 250 мм гача бўлган конструкцияларни вакуумлашнинг давом этиш вақти ва режими қориш сувининг камида 15 % ни сўриб олишини таъ- минлаш зарур;
қопламалар қалинлиги 250 мм дан қалин бўлганда қориш сувининг 1 м² вакуумланган юзасидан 5 л сувни сўриб олишни таъминлаши лозим.
Бетоннинг сиртига вакуумланиб ишлов берилганда, бетоннинг қотиши учун қулай шароит юзага келади, чунки бунда сув буғланиб кетмайди. Бироқ бунда сувни кам ажратадиган цементларни вакуумлаш, сувни тутиб туриш қобилияти паст бўлган цементларни вакуумлашга қараганда қийинроқлигини ҳисобга олиш лозим.
Бетон юзасини пардозлаш ишлари эса бетонни зичлаш тугалланганидан кейин бажарилиши тавсия этилади.
Бетон ётқизиб бўлинганидан кейин унинг юзасида ёриқлар пайдо бўлганда (пластик чўкиш натижасида) бетонни ётқизиш тугалланганидан сўнг 2 соат ўтгач (цемент қуюқлашиб қотмасдан олдин), қурилиш лабораторияси назорати остида ётқизилган бетонни яна сиртидан титратиб, мавжуд ёриқларни барта- раф этиш ва янги ёриқлар пайдо бўлишининг қисман олдини олиш мумкин.