16-маъруза Мавзу: термокондуктометрик ва термомагнитли газ анализаторлари

17.1-расм. Термокондуктометрик газ анализаторлари.

Термокондуктометрик газ анализаторларида хатолик асосан, қуйидаги сабабларга кўра содир бўлади:

а) атроф-муҳит температурасининг ўзгариши, бунда ўлчаш камераларининг деворларидаги температура ўзгаради;
б) ўлчаш кўпригини таъминловчи манба кучланишининг ўзгариши;
в) газ аралашмасининг камералар (ячейкалар) орасида ўтиш тезлигининг ўзгариши;
г) иккиламчи текширилмаётган компонентларнинг (хусусан, сув буғлари) мавжудлиги.
Ўлчаш блокини термостатлаш ва стабиллашган таъминлаш манбаларидан фойдаланиш зарурати асбобни мураккаблаштиради ва қимматлаштиради. Ҳаводаги ёки газ аралашмаларидаги (водороддан ташқари таркибида СО, СО₂, СН₄, N₂ ва О₂ бўлган) водород микдорини, шунингдек, кўп компонентли аралашмаларда СО₂ миқдорини аниқлаш учун ТП типидаги термокондуктометрик газ анализаторларидан фойдаланилади (17.2- расм).
Схема мувозанатлашмаган иккита А ва Б кўприклардан иборат бўлиб, улар ўзгарувчан ток манбаидан трансформатор орқали таъминланади. Кўприкларнинг елкалари пластина симларидан тайёрланган ва шиша баллончаларга жойлаштирилган. Ўлчаш кўпригининг иккита иш елкаси 1 ва 3 нинг атрофидан анализ қилинаётган газ ўтиб туради. Қолган иккита елкаси 2 ва 4 газ муҳитида туради, бу газнинг таркиби асбоб шкаласининг бошланишига мос келади. Таққослаш кўприги Б нинг иккита елкаси 6 ва 8 газ муҳитида туради, унинг таркиби асбоб шкаласининг бошланишига мос келади, елкалар 5 ва 7 эса таркиби шкала охирига мос келадиган газ муҳитида ту­ради.

17.2-расм. ТП типидаги автоматик газ анализаторининг схемаси.

Таққослаш кўприги Б нинг диагоналига реохорд R_р уланган, унинг сурмаси ва А кўприкнинг учи электрон кучайтиргич ЭК нинг киришига уланган. Реверсив двигатель РД реохорднинг сурмасини ва асбобнинг кўрсаткич стрелкасини А ва Б кўприк учларидаги шкалада то кучланиш сурманинг реохорддан оладиган кучланиш билан мувозанатлашмаганига қадар суради. Газ анализаторининг кўрсатиши таьминлаш манбаи кучланишининг ўзгаришига ва атроф-муҳит температурасининг ўзгаришига боғлиқ эмас.

ТП типидаги газ анализаторлари бир нечта модификацияда чиқарилади: ТП (1120 – бинар ва кўп компонентли газ аралашмаларида водород миқдорини аниқлаш учун; ТП 7102 – ҳаводаги гелий миқдорини аниқлаш учун; ТП 4102 – ҳаводаги азот ва гелий миқдорини аниқлаш учун. Анализ қилинаётган газ тури ва ўлчаш чегараларига кўра асосий хатолик ±2,5; ±4,0; ± 10% бўлади. Газ аралашмасининг ҳажмий сарфи 12 см³/с, босим 70-130 кПа. Кўрсатишларни аниқлаш вақти 30 дан 110 с гача. Чиқиш сигналлари 0-5 мА; 0-100 мВ; 0-10 В.