15-mavzu. Tabiat va inson

Maishiy [a. – hayotiy, hayot, turmushga oid] – maishatga, tirikchilikka oid. Maishiy xizmat. Maishiy sharoit.


2-topshiriq.Dunyoda va O’zbekistonda mavjud ekologik muammolar haqida esse yozing.


3-topshiriq.“Orol fojiasi” mavzusida taqdimot tayyorlang.


Eslab qoling!
Yer ostida juda ko‘p suv zaxiralari bor. Jumladan, 800 metr yer qatlamida to‘rt million kub kilometr suv bo‘ladi. Bu - butun dunyodagi daryolarning suvidan uch ming marta yoki ko‘l va dengizlarning suvidan 20 marta ko‘p demakdir.
4-topshiriq. O’zbekiston ekologik harakatining faoliyati to’g’risida ma’lumot to’plang va guruhdoshingiz bilan dialogga kirishing.


GRAMMATIKA.
Intervyu olish va berish qoidalari.
Ommaviy axborot vositalarida keng qo‘llaniladigan axboriy janrlardan biri intervyu (qisqa suhbat)dir. Bu so‘z inglizcha bo‘lib, “so‘rab olish, surishtirish” degan ma’noni bildiradi. Bu janr ijtimoiy-siyosiy, iqtisodiy-ishlab chiqarish, madaniy-ma’rifiy hayotining barcha sohalarida qo‘llaniladi. Shu bilan birgalikda u ommaviy vositalari – gazetalar, jurnallar, radio, televideniye, axborot agentliklari, internetdan doimiy joy olib keladi.
Avallo, intervyu rasmiy va norasmiy xillarga bo‘linadi. Rasmiy intervyular asosan hukumat rahbarlarining faoliyati bilan bog‘liq bo‘lgan biror muhim voqea – rasmiy uchrashuv, safar, yirik anjuman va zarur sanalarga va boshqa davlat ahamiyatiga ega bo‘lgan tadbirlarga bag‘ishlanib o‘tkazilgan matbuot yig‘inlarida beriladi. Norasmiy intervyu esa jurnalistlar tomonidan u yoki bu voqea, hodisa haqida yoziladi.
O‘z tuzilishi jihatidan intervyu ikki xil:intervyu-dialog, intervyu-monolog shaklida ham bo‘lishi mumkin.
Intervyu-dialogda muxbir va suhbatdosh o‘zaro savol-javob qilishadi. Bu savol-javob tayyorlanish jrayonida to‘g‘ridan-to‘g‘ri og‘zaki ko‘rinishda yoki yozma savol-javob tarzida olib boriladi. Respublikamizning mashhur kishilari, fan arboblari, yozuvchilar, san’atkorlar, ishlab chiqarish ilg‘orlari, tadbirkorlardan olingan intervyular matbuotimizda, radio, televideniyeda turli ruknlar ostida tez-tez berib boriladi.
Intervyu-monologda muxbir bergan birgina savolga suhbatdosh tomonidan berilgan javob o‘z aksini topadi. Bunday intervyu odatda hayotdagi birorta muhim ijtimoiy, iqtisodiy, madaniy-ma’naviy masala yoki muammoni yoritish uchun qo‘llaniladi.bunda suhbatdoshning javobi unig tilidan yoki jurnalist tomonidan sharhlanib berilishi mumkin. Bunday intervyu odatda hajm jihatdan dialog-intervyudan kichikroq bo‘ladi.