15-bob. OʻZbekistonda mehmon uylarini tashkil etish

15.4. Oʻzbekistonda mehmon uylarini tashkil etishga qoʻyiladigan talablar
Odatda joylashtirish vositalari hisoblangan mehmonxonalar quyidagi belgilarga ega boʻladi:
• mehmonxona nomerlardan iborat boʻlib, qaysikim uning soni belgilangan minimumdan ortiq boʻladi va yagona rahbarlikka egadir;
• mehmonxona oʻzining xilma-xil xizmatlarini taqdim etadi, ularning roʻyxatida toʻshakni tundalik kuzatish yaʻni tartibga keltirish, nomer (xona)ni va sanitariya uzelini yigʻishtirish bilan cheklanmaydi;
• mehmonxonalar xizmatlar taqdim etishga muvofiq ravishda klasslar va kategoriyalarga guruhlangan boʻlib, mamlakat-standartlari va uskunalariga ega;
• mehmonxonalarlar ixtisoslashgan muassasalar kategoriyasiga kirmaydi;
• mehmonxonalar oʻz sayohatchilari segmentiga moʻljallangandir;
• mehmonxonalar mustaqil boʻlishi yoki ixtisoslashgan birlashma, yaʻni mehmonxonalar (zanjir)ga kirishi mumkin.
Soʻnggi yillarda mehmondoʻstlik sanoati korxonalarining rivojlanishida koʻzga tashlangan tendentsiyalar qatoriga quyidagilarni kiritish mumkin:
• mehmonxona va restoran xizmatlari ixtisoslashuvining chuqurlashishi;
• xalqaro mehmonxona va restoran tarmoqlarining tashkil topishi;
• kichik korxonalar tarmogʻining rivojlanishi;
• mehmondoʻstlik sanoatiga yangi kompʻyuter texnologiyalarining joriy etilishi.
Bugungi kunda Oʻzbekistonda mehmonxona xoʻjaligini takomillashtirish va mehmonxona turlarini rivojlantirishga alohida eʻtibor qaratilib, mehmonxonalarning turlariga qarab ham alohida soddalashtirilgan holda lisenziya berish tartiblari ishlab chiqildi va yoʻlga qoʻyilda. Turizm sohasida amalga oshirilayotgan islohotlar natijasida mamlakatimizga kelayotgan turistlar soni koʻpaymoqda va shunga mos ravishda mehmonxonalar soni ham ortib bormoqda.
Oʻzbekiston Respublikasi turizmni rivojlantirish qoʻmitasining 2018 yil maʻlumotlariga koʻra, Oʻzbekistonda mehmonxonalar soni 914 tani tashkil etmoqda (1-jadval), mehmonxona nomerlari soni 20 mingta va mehmonxonalardagi joylar soni esa 41,1 mingtani tashkil etgan . Mamlakatimizdagi ushbu mehmonxonalar soni 2025 yilda 2994 etishi prognoz kilinmoqda. Turizmni rivojlantirish boʻyicha olib borilayotgan islohotlar natijasida oxirgi bir yil ichida mehmonxonalar soni 676 (2017 yil) tadan 914 (2018 yil) tagacha koʻpaygan.