14-tema. Paskalda qatarıy shamalar menen islew

Type Complex=record; deistv: real; mnim: real; end; var x,y: complex;

Mısal: X. deistv:=2:0; X. mnim:=7. 0; Y. deistv:=6. 0; Y. mnim:=3. 0; S. deistv:=X. deistv+Y. deistv; S. mnim:=X. mnim+Y.mnim; bolsa, onda S kompleks ózgeriwshi S=8.0+10.0i; mánisine iye boladı.

Mısal(Example): Berilgen s qatardaǵı háriplerdi ósiw tártibinde jaylastırıwshı programma dúziń.

uses crt; var x:array[1..100] of string; z,w,s:string; i,j,k,m,l,n:integer; begin clrscr; read(s); n:=length(s); for i:=1 to n do x[i]:=copy(s,i,1); for i:=1 to n do begin

w:=x[i]; for j:=1 to n do if x[j]>w then begin z:=w; w:=x[j]; x[j]:=z; end; x[i]:=w; end; for i:=1 to n do write(x[i]); end.

O`zin-ózi qadaѓalaw ushın sorawlar
1.Standart qatar funkciyaların atań.
2. Type R=record a1: t1; a2: t2;..., an: tn; end; túsindirip beriń.
3.Jazıw degen ne?
4.with do ; túsindirip beriń.
5.str(IR,st) funkciyanıń wazıypası.
Óz betinshe orınlaw ushın tapsırmalar
1. Berilgen sózdi tómendegi qaǵıyda járdeminde ekige bóliwdi ámelge asırıń (keyingi qatarǵa ótkiziw ushın):
1) izbe-iz kelgen eki dawıslı háripti ajıratıw mumkin, eger birinshisinen aldın dawıssız hárip hám ekinshisinen keyin keminde bir hárip kelse;
2) izbe-iz kelgen eki dawıslı háripti ajıratıw múmkin, eger birinshisinen aldın dawıslı hárip hám ekinshisinen keyin sóz bóleginen keminde bir dawıslı hárip kelse (‘`’- ayırıw belgileri ózinen aldıńǵı hárip penen bir dep qaraladı);
3) eger 1) hám 2) qaǵıydalardı qollanıw múmkin bolmasa sózdi sonday bóliw kerek, onıń birinshi bóleginde keminde bir dawıslı háripti óz ishine alıwı hám dawıslı menen tamamlanıwı kerek, ekinshi bólegi keminde bir dawıslı háripti óz ishine alıwı kerek.
2. Berilgen n pútin sanı ( ) sózler arqalı jazılsın. (máselen, 15 sanı «on bes» kórinisinde jazılsın).
3. Ekilik sanaq sistemasındaǵı san qatar kórinisinde berilgen. Sol sannıń 8 hám 16 sanaq sistemasındaǵı kórinisi baspaǵa shıǵarılsın.
4. Hár biri 2 den 10 ǵa shekem latın háribinen ibarat 2 den 30 ǵa shekem bolǵan sózler izbe-izligi berilgen. Sózler bir-biri menen keminde bir probel menen ajıratılǵan hám aqırǵı sóz noqat penen tamamlanadı. İzbe-izliktiń aqırǵı sózinen parıqlı barlıq sózler tómendegi qaǵıyda boyınsha ózgertip baspaǵa shıǵarılsın:
a) sózdegi birinshi háribi onıń aqırına ótkizilsin;
b) sózdegi aqırǵı hárip onıń basına ótkizilsin;
s) sózdegi birinshi xárip alıp taslansın;
5. Programma dúzilsin. 1 den 1999 ǵa shekem bolǵan pútin sandı Rim cifrları arqalı ańlatıń.
6. Noqat penen tamamlanatuǵın úlken latın háriplerinen ibarat tekst berilgen. Berilgen tekst 1 den 999 ǵa shekem bolǵan pútin sannıń Rim cifrları kórinisindegi jazıwı durıs ekenligi anıqlansın. Shárt orınlanǵan jaǵdayda san arab cifrlarına (ónlıq sanaq sistemasinda) aylandırılıp baspaǵa shıǵarılsın.
7. Cifr hám tórt arifmetikalıq ámellerden (*,+,-,/) payda etilgen ańlatpanı postfiks kórinisine ótkizetuǵın programma dúzilsin. Postfiks kórinisinde aldın operandlar jazıladı, keyin ámeller.
Mısallar: ápiwayı jazıw postfiks jazıw
3+4 34+
(5-4)+2 54-2+
2*(3+4)*5 234+*5*
8. Bizge belgili, astrologlar jıldı 12 ayǵa bóledi hám hár birinde sáykes Zodiak belgisin qoyadı:

21.3 - 19.4 - Qoy	23.9 - 22.10 - Tárezi
20.4 - 20.5 - Buzaw	23.10 - 22.11 - Sarıshayan
21.5 - 21.6 - Egizekler	23.11 - 21.12 - oq jay atıwshı
22.6 - 22.7 - Shayan	22.19 - 19.1 - Eshkimúyiz
23.7 - 22.8 - Arıslan	20.1 - 18.2 - Suw quyıwshı
23.8 - 22.9 - Súmbile	19.2 - 20.3 - Balıq

Berilgen sánege sáykes Zodiak belgisin baspaǵa shıǵırıwshı programma dúzilsin.